اللي خلاني اروح برزرز سفاري هي تعليقات قريتها هنا من أجانب عن أنهم ملتزمين بالمواعيد و كمان انهم ملتزمين أنهم يخلوك مبسوط جدا وده بسعر منافس لأي شركة سياحه في شرم الشيخ.
أنا كنت نازل في فندق في الهضبه و أول يوم وصلت فيه كان يوم السبت ٩/٥ اتصلت بيهم و قالولي تشرفنا احنا علي بعد ٥٠ متر من الفندق اللي انت فيه روحتلهم الساعه ٥ العصر قابلت هناك أسامه شاب جدع و تحس انك بتتكلم مع اخوك .
قولتلوا انا عاوز اطلع تلات رحلات اولهم بكره ٩/٦ رأس محمد وتانيهم ٩/٧ عشاء بدوي وتالتهم ٩/٨ بلو أكوابارك.
فسألت أسامه علي الأسعار قالي رأس محمد أنا وزوجتي ٣٠٠ جنيه و العشاء البدوي احنا الاتنين قالي في عرض نازل اليوم ده بس اسمه ١x٤ ( سفاري ٢ باجي - ركوب جمال ساعه ونص جملين - عشاء بدوي - حفله ) وده كان ب ٤٠٠ جنيه الاتنين و كمان رحلة الأكوا بارك احنا الأتنين دخول فقط ٤٠٠ جنيه وكل دول في المواعيد اللي انا أختارتهاو كل دول طبعا بالانتقالات ذهاب وعوده للفندق .
أنا سألت علي الأسعار بره وأتأكدت أنهم فعلاً أقل أسعار و كان فاضل بس أشوف الجوده و الإختلاف و بصراحه انا كنت شاكك في ان الرحلات هتكون كويسه .
بس اللي حصل عكس ماكنت شاكك و ده بان من اول رحله طلعتها معاهم اللي هي راس محمد باليخت يوم كامل الصبح جالي تليفون من أسامه قالي في عربيه هتجيلك علي باب الفندق الساعه ٨ وفعلا في الميعاد لقيت حد بيكلمني من الرسيبشن انهم مستنيني وروحت لقيت عربيه مكيفه ڤان خدتني السقاله اللي في نعمه عشان نركب اليخت و اليخت طلع اكبر يخت موجود علي السقاله وأنضفهم هو أسمه أنچي كوين وقضيت يوم حلو جدا رجعنا الساعه ٤ علي السقاله ولقيت العربيه مستنيانا وصلتنا لحد الفندق كنت مرتاح جدا ولا شلت هم ركوب ولا هم رجوع .
تاني يوم يوم العشاء البدوي الساعه ٣ لقيت عربيه چيب شيفروليه مكيفه مستنياني خدتني انا وزوجتي لوحدنا لحد مكان السفاري و عملنا الرحله كامله زي ما اتقالنا وعلي اكمل وجه مافيش حاجه ناقصه ورجعنا في عربيه ملاكي مكيفه لحد الفندق باليل الساعه ١٠وكان يوم تحفه حسيت فعلا اني اتعاملت بطريقه مميزه.
اليوم التالت كان يوم الاكوا بارك وبرده لقيت عربيه ملاكي مكيفه خدتني من الفندق الساعه ١٠ لحد الاكوا بارك وفضل معايا لحد ما دخلت ولما خلصت الساعه ٥ رنيت عليه قالي انا قدام الباب مستنيك ماوقفتش في الشمس ولا دقيقه ووصلني لحد الفندق .
الكلام ده كله يثبت ان الناس دي بيتعاملوا بحرفيه عاليه جدا و معاملتهم للمصريين كويسه جدا علي عكس اغلب مكاتب السياحه في شرم اللي بتهتم بالاجانب اكتر .
احب اشكر برزرز علي احلي كام يوم قضيتهم في شرم الشيخ وهما السبب في ده
اشكر شركة ياسمين تورز على تعاملهم الراقي والمحترم وتنظيم الرحلات الرائعة لنا وتوفير خدمة التوصيل من والى المطار والى اي مكان آخر باسعار مناسبة جدا خلال إقامتنا في شرم الشيخ..اخص بالشكر مستر أيمن على جعل اقامتي في شرم الشيخ مريحة ولا تنسى..شكرًا..
احنا في فندق تيرانا اكوابارك رحنا مع شركة سكر سفاري رحلة موتسكيلات وعشاء بدوب كانت جميلة والشمس والجبال وركوب الجمال الخدمة كانت عالية اشكر الشركة وجميع العاملين في الشركة
السلام عليكم ورحمه الله اشكركم على خدمتكم الرائعه ووصولكم في الموعد وانتظاركم لنا في المطار الخدمه جدا رائعه والسياره جدا نظيفه والسائق في منتهى الادب والاحترام والاسعار غير مبالغ فيها شكرا لكم
كانت رحله اكثر من رائعه، لقد استمتعنا بكل شء هناك من ركوب الجمال الي العشاء البدوي ورؤيه التلسكوب مع افضل سرح سمعته من قبل، اذا ذهبتم الي شرم الشيخ لابد لكم من زياره المكان اكثر منرائع