اعجبنى الفندق جدا ..من حيث المساحة والتنوع والشكل العام والنظافة .. وحمامات السباحة رائعة - والأكل ممتاز ورائع ومتنوع والحلويات متنوعة و موظفين المطعم وعماله ودودين جدا ومحترمين ..المشروبات الساخنة والكوكتيلات رائعه والشاطئ الخاص بالفندق جميل ونظيف والحدائق ممتازة والنظافة ممتازة والعمال متعاونين وودوين .. والتكيف بالغرفة جيد والحمام جيد
الفندق مكان سئ جدا لقضاء اجازة فيه احسن حاجة فيه الصراحة هو الشاطئ وحمام السباحة لكن المطعم وحش جدا من حيث تنوع الاكل وجودته .. الاكل طعمه وحش جدا غير ان المطعم التكييف اللى فيه بايظ تقريبا وبيطلع هوا سخن الاكل معظمه بيكون معجن ومش حلو فى التلات وجبات فطار وغدا وعشا. انا كنت حاجز فيه اربع ايام 3 ليالى فطار وغدا وعشا وكانوا اسوأ اربع ايام من حيث الاكل والاقامة لكن كانوا حلوين جدا من حيث الشاطئ. المهم اول لما روحنا الفندق الماية كانت مقطوعة عن الفندق كله لحد الساعة 2 واحنا كنا واصلين الساعة 12 الضهر. بالنسبة للاوضة مكنتش أنضف حاجة ولا أحسن حاجة التكييف بتاعها كان بايظ وميعملش حاجة غير اننا فى اخر يوم لقينا نمل على السرير وبرص فى الحمام. وكمان مكنش فيه اى شاور جل ولا شامبو فى الحمام وكمان مفيش مناديل ورقية فى الاوضة. الناس اللى شغالة هناك مش بروفيشنال خالص هما طيبين اه لكن مش بروفيشنال لان لما بنقعد نسال اى حد على اى حاجة فى الفندق يا اما يقول اجابة غلط او يقول معرفش. يعنى مواعيد العشا من الساعة 7 لحد الساعة 10 بليل فى مرة نزلت المطعم الساعة 9 ونص لقيته فاضي فبسأل حد بقوله هو العشا خلص ولا ايه بيقولى اه بقوله ازاى هو مش المفروض لحد الساعة 10 بليل قالى معرفش والله على حسب الزباين !!. ومرة كنت نازل الهاوس كيبنج سألنى هتنضف الاوضة قلتله اه قالى طيب هات المفتاح قلتله ازاى قالى اصلي معييش سبير وفى الاخر قالى هسيبهولك على السلم لما اخلص. بالنسبة للشاطئ هو كويس بس الشاطئ بتاع الفندق هى لاجون كبيرة شوية لكن مالوش شط على البحر الرئيسى. الفندق مفيهوش اى كماليات يعنى مفيش صيدلية ولا اى مكان تشترى منه لوازم بحر كل اللى موجود هناك حاجة اسمها بزار ومبيفتحش اصلا. مكنش فيه خزنة فى الاوضة عشان نحط فيها حاجتنا مع ان مكتوب على باب الاوضة ان ادارة الفندق لن تتحمل قيمة اشياء ثمينة ضائعة وان احنا لازن نحطها فى خدمة الامانات فى الريسبشن ولما روحت الريسبشن قالى لا مفيش هنا خزنة وفى الاخر حاطلى حاجتى فى ظرف كدا ودبسه وخلاص بس الناس هناك امينة الصراحة بس مش منظمين. فيه شخص اسمه مستر/ شريف بيكون موجود فى المطعم او الكافيتريا الخارجية لما اتعاملنا معاه مرة فى الكافيتريا كان رده بطريقة غلسة جدا وكأنه هيتخانق معانا. العروض اللى بيقدموها بليل مش احسن حاجة بس ميزة الانيميشن تيم انه دايما بيحاول يبسط الناس اللى قاعدة على الرغم من انهم مش على احترافية عالية. المكان حلو لتقضية يوم او يومين بالكتير من غير ما تقربوا للمطعم لانه اسوأ حاجة فى المكان كله. للأسف مش حابب اكرر تجربة انى اسافر للمكان دا تانى.…
بجد فندق رائع وجميل وكنت مستمتع باجمل رحلة فى حياتى وأجمل اكل كان فى الفندق الجميل دة أنتمنى لكم أجازة سعيدة والجو هناك جميل وكمان الزراعة كتير جدأ مفيش أكتر من المساحات الخضرأ والورود وبتمنى العيشة فى المدينة الجميلة راس سدر
أقمنا في هذا المنتجع لليلة واحدة كجزء من عرض لرحلة جماعية في مصر / سيناء. يقع المنتجع على خليجٍ صغير من خلجان بحيرة السويس وهو أمرٌ جميل. لم يعامل الحمالون أمتعتنا كما يجب وسببوا لها بعض البلى بسبب جرها على مسارات حجر الجرانيت اللين. كانت غرفتنا رقم 804 قذرة، حيث لم يتم مسح أرضيتها، وجهاز التلفزيون لم يعمل. ومستلزمات الحمام كانت رخيصة في حال وجودها، لكن الغرفة كانت واسعة. كانت مجموعتنا هي الوحيدة في المنتجع. البناء كان فيه الكثير مما قد يشتهيه المرء، وملاعب المنتجع كانت تراعى بطريقة صحيحة. وربما كنا نحتاج للبقاء وقتاً أطول لنقدر تماماً هدوء المنتجع. كان طعام البوفيه ذو نكهات غنية مع أن التنوع كان محدوداً نوعاً ما، وكان الموظفون لطفاء.
فندق لطيف للغاية وطعام فريق العمل الجيد رائع والنظافة رائعة أحب إقامتي وبالتأكيد سأعود مرة أخرى. أوصي بهذا الفندق لكل من يرغب في الاسترخاء والاستمتاع بإجازته. حقًا لقد تم الترحيب بك منذ الدقيقة الأولى من وصولك
هل تمتلك أو تدير هذه المنشأة؟ اطلب إدراجك مجانًا للرد على التعليقات وتحديث ملفك التعريفي والمزيد.
اطلب إدراجك