عذرا الإدارة سيئة للغاية!! انتظرنا بالاستقبال حتى الساعة ٤:٢٠ بعد مدوالات لتوفير الغرف رغم الحجز قبلها بشهر وفي النهاية غرف غير المتفق عليها وغير نظيفة👎🏻 عدم احترام كوننا ٤ أسر منهم كبار سن!!! بالنسبة للطعام اول ساعة فقط وبعد ذلك بواقي الطعام والمشروبات الباردة والسناكس سيئة العاملون جيدون وبتعرضون لضغط العمل الناتج ايضا عن سوء الإدارة وتوفير العمالة!! ال pool غير نظيف👎🏻 الموقع متميز وتصميم الفندق جيد لكن يحتاج لإدارة منظمة
فندق زيا ريجينا الغردقة.... فوج ٢٠ الى ٢٣ يونيو ٢٠٢٢ تجربة في غاية السوء... العاملين بالفندق يفتحون الغرف اثناء وجودى داخل الغرفة انا وزوجتى... لا يوجد تليفون داخل الغرف... لا يوجد ملصق عدم الازعاج وبالتالى فالغرفة متاحة للهاوس كيبن يفتحها حتى وانا موجود بالغرفة... لا يوجد كاتيل كما فى الاعلان عن الفندق.... الطعام اقل من العادي.... الاكل الباقي من الغداء يتم وضعه فى العشاء..... الاطفال يعملون حمام امام اعين المراقبين فى حمام السباحة...... اانزلاء يرمون الاكواب في البحر امام المراقبين ولا احد يتكلم... مواعيد الاكوا بارك سيئة جدا.... أول مرة اروح الغردقة وآخر مرة هاروحها.... الغرف عادية جدا وكأنها غرفة منزلية فى لوكاندة او منزل عادي وليس فندق... كل اللى انا هاقوله ده موثق بكاميرات الفندق وقدمت شكوى للريسبشن.... اولا : انا كنت في شاليه ٦٥٠ وفي اول يوم واثناء نومي عصرا انا وعائلتي فوجئت بأحد الاشخاص يفتح باب غرفتي لولا ستر ربنا ان انا صحيت على صوت الكالون... طبعا ماكنش فيه ترباس على الباب من الداخل وكان مقتصر على وجود كالون فقط وكنت شايل المفتاح من الباب .... ولما خرجت بسرعة للاخ اللى فتح الباب فوجدت احد العاملين بالفندق هو من فعل ذلك بدعوى انه لا يعرف ان الغرفة مسكنة وانه قام بالطرق على الباب.. ولما لم يفتح احد فقام باستخدام المفتاح الخاص به وفتح الباب.... طبعا منتهى الوقاحة ان راجل غريب يدخل عليك وانت نايم انت واسرتك..... وعندما اشتكيت للاستقبال كان الرد فى منتهى البرود... معلش ياافندم احنا اسفين... يعنى لو واحد منهم حصل ده معاه وفيه راجل دخل عليه هو وزوجته وهم نايمين.. نقوله معلش؟؟؟ ثانيا : لا يوجد على الباب الملصق الخاص بعدم الازعاج.... فذهب للريسبشن وطلبت واحد وبعتوه لى وعلقته على الباب. ثالثا : بناءا على شكوتي تم تغيير الغرفة فى اليوم التالى واخذت معي ملصق عدم الازعاج ووضعته على باب الغرفة الجديدة رقم ٥٢٩ واقسم بالله العظيم ان نفس الامر تكرر مرة اخرى ولكن لحسن الحظ انه يوجد ترباس بسلسلة من الداخل وبرده اللى عملها احد العاملين بالفندق. رابعا : اثناء وجودي على البسين انا وعائلتي ونحن جالسين على الشيزلونج فوجئت بأحد الامهات الموجودة فى بسين الاطفال تخرج ابنها من البسين وتوقفه على طرف الحمام وتنزل له الشورت بتاعه ليقوم الطفل بعمل حمام فى البسين امام الجميع ولم ينطق احد. خامسا : فى البحر بعض النزلاء يشربون الشاى ويرمون الاكواب فى المياه وعندما اشتكيت للمراقب قال لى انا مراقب يس علشان اللى يغرق ومقدرش اقول لهم حاجة... سادسا : الطعام الباقي من الغداء يتم وضعه فى العشاء واذا ذهبت قبل انتهاء البوفيه بتلت ساعة او ربع ساعة مثلا لا تجد فراخ وعندما تسأل يكون الرد انك تأخرت. سابعا : فى الغرفة ٥٢٩ وفي الحمام لا يوجد الا علبة واحدة فقط للشاور جيل وهى على الحوض.. انما على الدش لا يوجد شئ ...... انا دافع ١٦٥٠ للفرد ولو كنت دعتهم في شرم كنت انبسط ولكن تجربة في منتهي السوء…
روكى من الناس الجامدة اللى اشتغلنا معاهم اكوا چيم وبيعمل يوجا جامدة وانسان دمه خفيف اوى وشخصية ١٠٠ فل و١٠ والاستف كله ناس محترمة والغردقة مفيش كلام يوصف جمالها وانا استعمت جداً فى الغردقة وعملت دايڤنج وكان حلو جداً والمرينا جواها كمان حميل وكل حاجة ممتعة هنا فى الاوتيل
تيم الانميشن رائع والفندق محترم وقمه في النظافه والمعاملة يتم عمل يوجا يوميا مع الكابتن روكي كابتن اليوجا خدمات البيتش والبوول ممتازه خدمة الغرف جيده المطعم جيد العروض اليوميه فوق الممتاز افضل حاجه في الفندق تيم الانميشن وبيعمل حاله حلوه
فندق ممتاز خدمه رائعه من اول الأمن على البوابه و جميع العاملين بالفندق حتى الزوار محترمين بحق و الكل متعاون معى و الابتسامه لا تفارق وجوههم و بالنسبه للريسيبشن متعاونين لأقصى درجه و اى طلب يتم الاستجابه الفوريه ولكن يوجد بعض السلبيات البسيطه منها هاتف الغرف المعطل دائما و لكن تم الاستعاضه بدلا عنه بأرقام موبايلات الريسبشن و موقع الفندق متميز فى وسط المدينه فى ش شيراتون او ش سيجال و يوجد فيه كافه الخدمات وغرف الفندق ممتازه والشاطىء و البيتين فى غايه الجمال و الهدوء و الأمان و الارتياح فالف الف شكر لاداره الفندق لما قدمتموه لى من رعايه و اهتمام راقى و محترم و بإذن الله سأعود لكم مره ثانيه فى الصيف القادم و لن تكون زيارتى الاخيره و لكن زيارات متكرره الف شكر
هل تمتلك أو تدير هذه المنشأة؟ اطلب إدراجك مجانًا للرد على التعليقات وتحديث ملفك التعريفي والمزيد.
اطلب إدراجك