كنت حاجز ليلتين ..مشيت طبعا من أول ليله ولولا اجهاد السفر كنت هامشى من أول ما وصلت... 1- موظف الاستقبال المدعو/ وجدى لا يصلح لإستقبال الضيوف لأنه عدوانى و صوته عالى و تعبيرات وشه فيها استعلاء و غير مرن بالمره .. 2- موظف الاستقبال المدعو /وجدى طلبت منه تغيير الغرفه نظرا لسوء مكانها و كمان الحاله الصحيه لزوجتى التى يضرها طلوع السلم ... رفض رفضاً باتاً مع العلم بوجود غرف شاغره و ثبت ذلك بعد تدخل مسئول من الفندق أفاد أنه المدير و قام بتغيير الغرفه. 3- مستوى الغرفه سىء من حيث النظافه.. حشرات...تكييف صوته عالى..مفيش سلك على الشباك و الناموس بيخش لما اضطريت اقفل التكييف لصوته العالى و انه شغال كمروحه فقط.... أدوات و مستلزمات النظافه غير متوفره و لما طلبت صابون أو شامبو لم يتم الاستجابه ,, و موجود خزان صابون فارغ و عاطل ف الحيطه زى م أكون فى حمام مول .. 4- مستوى الطعام سىء جدا... ولا يوجد بديل أو منفذ بيع لشراء أى مواد غذائيه أخرى. 5- مواعيد فتح المطعم متأخره و وقت العشاء ساعتين فقط من 7 الى 9 مساءاً. 6- لا يوجد بالفندق أى استعدادات طبيه لأى طوارىء مرضيه أو حتى اسعافات أوليه. 7-انقطاع التيار الكهربائى متكرر.. دى بقى حاجه أول مره اشوفها فى أوتيل. 9- تصميم توزيع الغرف بالفندق غير مريح بالمره و مسافات كتير و سلالم طويله ..مكان لا يصلح لكبار السن و المرضى و بالتالى لا يقيم كمكان للإستجمام لأسره كامله. 10-موظفين الفندق فى المطعم يظهر عليهم علامات الاستياء من خدمة النزيل وواضح انهم مضطرين للشغل لظروف الحياه ومستحملين سوء إدارة المكان و سمعت شكاوى كتير من العمال من المدعو/وجدى موظف الاستقبال. 11- اليونيوفورم للموظفين مش نضيف و مفيش يافطة اسم على القميص يعنى مش بتبقى عارف بتكلم مين باستثناء موظفين الاستقبال , 12- مكنوش عايزين يرجعوا لى فلوس الليله ال انا مقضيتهاش لولا اصرارى و ده برضه يدل على تعنت و محاولة استغلال الضيف لأقصى درجه. 13- القيمه الماليه للإقامه لا تتناسب مع سوء الخدمه. خلاصة التعليق...انه مكان لا يصلح للإقامه و غير مناسب أنه يصنف كأوتيل أو قريه سياحيه... بصراحه حاجه تقرف…
الرسيبشن كان كويس جدا ، و الاستقبال كان حلو طبعا دا غير ال staff كانوا كويسين ومحترمين وملتزمين ، المكان مهتم بإجراءات الوقاية الاحترازية ، و طبعا الاكل كان كويس جدا بجد ، حابين نشكر تيم الانيميشن اللي كان متفاعل معانا جدا وكان باسطنا كلنا ، شكرا رومانس
ال staff members كانوا كويسين جدا و الريسيبشن كان مريح و الطلبات بتتنفذ، طبعا ال Hotel كويس بشكل عام و احنا مبسوطين جدا حقيقي هنا ، و خصوصا تيم الanimation كان كويس و مرح واستقبلنا استقبال حلو جدا و مفرح ، شكر خاص لتيم الانيميشن " هاشم و مادونا " وشكرا رومانس
اليوم كان مميز جدا و لذيذ ، الانيميشن كان متفاعل معانا جدا وبسطنا ، وخصوصا مستر هاشم كان مقبول جدا ، ومادونا كانت شخصيه كويسه جدا و حقيقي اتبسطنا و كل الشكر و التقدير لتيم الانيميشن اللي كان معانا النهارده وكل الشكر لرومانس
الاستقبال كان كويس فعلا و الرسيبشن كان بيتعامل معانا حلو جدا ، الاكل فى منتهي الروعه و المكان مميز جدا عن غيره ، دا غير انهم مهتمين بإجراءات الوقاية الاحترافيه، الاطفال كانوا مبسوطين جدا ب تيم الانميشن و احنا كمان خصوصا انهم بيعملوا morning exercises زي ال stretching و ال yoga و ال darts كانت كويسه جدا ، شكر خاص لتيم الانميشن " هاشم و مادونا " و كل الشكر و التقدير ل رومانس
هل تمتلك أو تدير هذه المنشأة؟ اطلب إدراجك مجانًا للرد على التعليقات وتحديث ملفك التعريفي والمزيد.
اطلب إدراجك