تصميم الاوتيل رائع و اكثر من رائع المناظر بتجنن و الموظفين قمة الود و اللطافة ولكن .. الغرف تصميمها الداخلي سيء ليش في لوحتين لذرات ملح البحر الميت في كل غرفة مو عارفين يصورو منظر احسن؟؟؟ بعدين اضائتها جدا سيئة كل الضواو لونهم اصفر ليش...مافي ضو ابيض ليش الاضائة خافتة؟ يمكن عشان ما نشوف وساخة الغرفة لانه الغرفة نوعا ما وسخة .. اه غرفتي ما كانت نضيفة و بقول للشب الارض وسخة بيحكيلي هلا بحطلك شحاطة 🙂 بالله منطق؟ طب امسحو اللرض انفضو الغطا لا لا الغرفة نظافتها سيئة ..و طبعا بحس عدد موظفين الفندق مش فوق ال ١٥٠موظف بين ريسبشن و نظافة و سقاية و مطبخ و هيك ترا الفندق مديييينة بده على الاقل ٥٠٠ موظف.. و كمان شغلة النزلة على البحر الميت كتييييير بعيد و منحدر كتير حاد مو عارفين يحطو درج؟ هاد مكان علاجي اغلب الي بيروحوه رجليهم بتوجعهم بيرجعو الغرفة مكسرين تكسير كتير صعبة الطلعة منه حتى لو شباب كتير صعبة الطلعة.. و كمان ملاحظة ليش بس جاكوزي واحد و عند البار طيب الناس الي ما بتشرب ما بترتاح بالقعدة و ممنوع دخول اقل من١٨ سنة عليه ليش ما يكون في جاكوزي عند البركة الكبيرة لكل الناس مو افوت محجبة اصير فرجة لانو في مشروب و سكر هاد طبعا غير انو تلفزيون غرفتي كان خربان و ما تصلح من اول يوم قلتلهم هالحكي و اجا حد شافه حكالي رح نبعت الصيانة و هاد وجه الضيف .. الاوتيل خمس نجوم للموظفين و لطافتهم و للمناظر الحلوة و بس اما الادارة للاسف بدها تغيير لو انا بقيمه كاوتيل على هالنقاط بنزله ل3 نجوم مش 4 حتى و لو يحطوني مديرة الفندق لاخليه رقم واحد بالبحر الميت لانه موقعه و تصميمه و كلشي فيه بيسمح انو يكون مميز بكلشي ولكن سوء الادارة و قلة عدد الموظفين رح يخسرهم زباين كتيرالمزيد
7
0
1
0
0
