بيستر ڤيلج هي مكان تسوق لماركات عالميه باسعار مغريه جدا والممتع بالامر انه ممكن تجدون من البضائع اشياء لنفس الموسم وليست قديمه ومن الامور المهمه التي يجب ان تحرصوا عليها ان كنتوا ساكنين فندق ان تحرصوا على الحصول على بطاقه الخصم ١٠ بالمئه من مكتب الاستقبال عند مدخل القريه في محطه القطار ويوجد بالقريه مسجد للصلاة والحمامات نظيفه وراقيه وكثيره
كذلك المطاعم واكشاك الماكولات المتنوعه بالقريه ويوجد ايضا الاكل الحلال ببعض الاكشاك ولاتفوتوا اخذ جواز السفر معكم او صوره عنه للحصول على ورقه التاكس لاسترجاع اموالكم من المطار وطبعا المحلات متنوعه لكل الاعمار تجدون الملابس والشنط والاحذيه والمجوهرات والساعات والعطور والمكياج والنظارات وكذلك محلات التحف والاواني المنزليه الراقيه واليوم كان غدائانا في مطعم ويلسلي فهو ذو طابع انجليزي راقي انصح بتجربته وشراء الفلورنتينا ( حلو بالكاكاو والمكسرات )
الذواقه

طبعا مايصير تزورون لندن وماتروحون بيستر فيلج
Bicester Village هو اوت ليت لعدة محلات والخصومات بصراحه تسوى .. انا من واقع تجربه احس مره وحده مو كافي يحتاج تروحون له مرتين او ثلاث لانه فعلا الاسعار تفرق والخصومات رائعه.. المكان متوفر فيه الاكل والشرب ومصلى وحمامات انا رحت له مره بالقطار ومره بالسياره .. بالسياره اسهل بصراحه طبعا بالقطار اونس للي ولا مره رايحين محطه وعايشين هالاجواء طبعا من محطة مارليبون ستيشن تاخذون قطاركم التذكره سعرها اقل من ٢٠ باوند .. يفتح كل يوم من ٩ صباحا الى ٩ مساء ماعدا الاحد يسكر ٧ اتوقع .. في كافييه Oliphant’s Bakery عندهم انا احب السينامون لذيذ والكابتشينو

يمكن الوصول له من محطة Marylebone في رحلة مباشره بالقطار مدتها 45 دقيقة
الاسعار جيده ... اغلب الماركات متوفره فيه
لاتنسى تسترجع الضرائب من الاوتلت او من المطار