من اجمل الفعاليات اللي لازم تسوونها البحيرة جميييلة جداً جداً لونها يأسر سبحان الله والسفينة كبيرة ثابتة ماتلعب فيها الامواج
وتدوخ بالنسبة للرحلة بدينا من قرية ايسلتوالد عند المينا يكون فيه جهاز تقص منه التذاكر كانت قيمتها 31 فرنك ومايحتاج تشوفون بروشوراتهم تحوس الدنيا من قوقل تشوف السفينة الثانية متى تجي وايش محطاتها كانت رحلتنا
ايسلتوالد-شلال جيس باخ(فيه خيارين له يا اما تصعد له مشي او الخيار الاسهل يصعدونك بقطار جبلي قيمة 5 فرنك يوصلك لكوفي فندق قراند المطل على الشلال الڤيو من عنده خطييير)-قرية برينز-ثم رجعنا لنفس محطتنا وعلى فكرة مواعيدهم بالميللي مايتأخرون ولا ثانية فلازم تكونون متواجدين بوقت الرحلة بالضبط
وضروررري تتأكدون من الطقس قبل ماتروحون للجولة لازم غيم احنا بداية الجولة الجو جميل ومغيم وبعدها صقعتنا الشمس دخلنا جوى السفينه غصب.