انا قضيت اسبوع في فندق رومانس من اجمل ما قضيت في الغردقة الصراحة فندق جميل جدا مستوي عالي من النظافة سواء نظافة الغرف او نظافة الفندق نفسه و كذلك الاكل جميل جدا ويوجد تنوع فيه كما انه مطهو جيدا الصراحة فنادق كتير بتفتقر الجزء الخاص بالاكل يااما الاكل مفيهوش تنوع او مش معمول بطريقة كويسة لاكن مستوي الاكل في رومانس عالي , اما بقي بالنسبة لجمال البحر وهدوء الشاطيء ماقولكش علي راحة البال والاستجمام و المياه الشفافة حاجة كده جامدة جدا طبعا بحر سهل حشيش مشهور بالجمال ده ’ كذلك الاستف قمه في الاحترام والادب والذوق تقريبا انا مشفتش استف محترم للدرجة دي في الغردقة الصراحة شابوه لفندق رومانس سهل حشيش
توجد بس بعض الملاحظات ولاكن مش سلبيات
1- النزول العشاء بملابس شويه رسمية يعني مينفعش شورت ولاحاجة كات للرجال و النساء
2_هناك كل المشروبات و الماكولات برقم الغرفة و ليس بالاسورة حول المعصم و دي انا مش شايفها سلبية بس كانت تجربة جديدة الصراحة
3- انا وصلت الساعة 8.30 صباحا لاكن في الريسبشن دخلني غرفتي الساعة 10.30 حيث جلست ساعتان بالريسبشن مما ضايقني في فنادق اخري كتير بمجرد الوصول يتم عمل التسكين فورا

اسبوع شهر العسل هناك كان وهم ... فريق الفندق كله مستواه ممتاز .. وبشوشين .. وبيعملوا كل حاجه تخليك مبسوط من غير ما تطلب .. ودي أجمل حاجه .. بتلاقي الناس هناك مهتمين بيك وبسعادتك لدرجة تخليك تتكسف ومش عارف تعمللهم ايه .. مستوى مشرف .. التعليق بتاعي ده متأخر حوالي سنه .. بس هو حقهم عليا اني أكتبه حتى لو بعد سنه.

شكرا فريق عمل فندق Premier Romance Boutique Hotel and Spa على أجمل اسبوع قضيته في سنة الجواز بتاعتي لغاية دلوقتي.