الفندق سىء جدا جدا جدا من بداية الوصول تم عمل الانتهاء من الاتشيك اند بعد الوصول ب ٣ ونص وتم استلام غرفة بمنتهى السوء في الفرش والتجهيزات القديمة جدا من الديكورات المتهالكة التي لاتتماشى مع سعر الغرفة في الليلة مع العلم اني حجزت عن طريق بوكجنج وكانت الصور مختلفة تماما عن الواقع غير ان حجزي كانت على بوكنج ١٠٧ دولار والفندق طلب مني تسديد مبلغ ١٢٢ دولار وبعد اظهار لهم صورة الحجز كانت الرد المعتاد اصل يا افندم مش احنا اللي بناخد الفلوس ده بوكنج وبعد كلام كتير واصرار مني دفعت المبلغ المذكور في اخطار الحجز من بوكنج.
طبعا البوفيه مش هقدر اشرحه لكم من سوء منتجاته
اخيرا انا لا انصح احد بالحجز في هذا الفندق بالمبلغ ده ما يعادل ١٩٣٠ جنية في الليلة الواحدة مع الرغم انكم ممكن تلاقوا فنادق انظف من كدا بكتير
الصور ده لغرفة رقم ٣١٤ وفي غرفة رقم ٢٣٩ والله يا لو في فندق في محطة مصر لتكون انظف من الغرفة بس للاسف معنديش صور لها

من اميز الفنادق الموجوده فى العين السخنه غرف مميزه ونظيفه جو عائلى رائع اصطاف متعاون جدا مطعم مميز واكل متنوع اقدر اقول انه سوف يكون فندقى من الان فى كل مره اقوم بزياره السخنه سواء للعمل او الاجازه ويتميز بالهدوء والرومانسيه

الفندق جميل وموقعه أمام البحر مباشرة .. أجمل ما فى المكان تعامل العاملين به من أول المدير حتى أصغر عامل ... ابتسامة بشوشة ..ذوق واحترام فى التعامل ... النظافة جيدة جدا ... تقبل لأى ملاحظات ونقد بروح جميلة ..
اثاث الغرف ممتاز ونظيف وخدمة الغرف أكثر من رائعة .. الاكوا بارك رغم صغرها لكن الأولاد سعدت بها جدا وبروح العاملين عليها ... قدم الفندق خدمة أكثر من رائعة أثناء مباراة مصر و وبوركينا فاسو بتوفير شاشات فى اللوبى وفى أحدى القاعات و بخدمة النزلاء أثناء المشاهدة خدمة أكثر من ممتازة ... رحلة جميلة استمتعنا بها وستتكرر ان شاء الله