احلى وقت جميل قضيته مع خطيبتي هنا فى العين السخنة و كان وقت جميل بجد و عجبنا الفندق كتير هو مش كبير لكن غرف مناسبه و كمان الخدمه ممتازة و الموظفين متعاونيين جدا معانا و اتبسطنا اوى ع البحر و البيسين و الاكواه بارك لذيذة و الانيميشن فرعون و لا خالد كيه جيه ده مشكلة كبيرة حبيناه كتير و بصراحه لذيذ و انا بجد بشكر كل العاملين فى الفندق على مساعدتهم لينا
من افضل فنادق السخنه على الاطلاق كنت انا والعائله هناك من يومين بنسميه بيت العيله كانك فى بيتك تماما وامان على اسرتك كله حاجه متوفره وكله قريب من بعضه شاطى جميل اكوا بارك تحفه للاولاد واكل فى منتهى الروعه والتنوع
هنيجى تانى اخر الصيف وحتوحشونا مستر محمد سليمان ومستر انور وخالد وكل الاصطاف
مهما اوصف مش هقدر اوصف قد ايه المكان ده حقير ومقرف في كل حاجة من اول الريسيبشن اللي لازم تدفع حسابك كله مقدما عشان يطلعك غرفتك ولا حمام السباحة البشع اللي رفضت انزل اطفالي خوفا من ان يصيبهم مرض جلدي ولا الاكل المروع اللي مقدرتش اكله ولا الصرف الصحي اللي طلع عليا في غرفتي وانا نايم ومشيت بعد يوم واحد وللان ماخدتش بقية فلوسي بس الحمدلله اني خرجت من وكر ريتال فيو وخلاص
أسوأ فندق دخلته أو هدخله فى حياتى .... الغرفة كويسة الحقيقة مش وحشة بس البسين مش heated ونزلته خرجت منه متلج ومش حاسس بأطرافى .... الشط كله طوب وزلط وعليه لعبتين تلاتة اطفال قديمة وكلها تراب .... الأكل بأه كارثة فعلاً .... عدد الأصناف قليل والطعم سيئ وال quality بتاعة الأكل سيئة جدآ وواضح إنهم مسترخصين جدآ اللانشون والسجق كانوا نوعية رديئة ورخيصة الفراخ كلها دهن كانوا عاملينها مرة لاقيت جواها دم ندهت للويتر خدعا منى جابلى قطع تانية وخلاص ..... والله العظيم فى واحد من الشيفات كان بيقطع حلويات حطلى الحاجة بإيده من غير جوانتى ولا حاجة .... فندق سئ جدا
الفندق سىء جدا جدا جدا من بداية الوصول تم عمل الانتهاء من الاتشيك اند بعد الوصول ب ٣ ونص وتم استلام غرفة بمنتهى السوء في الفرش والتجهيزات القديمة جدا من الديكورات المتهالكة التي لاتتماشى مع سعر الغرفة في الليلة مع العلم اني حجزت عن طريق بوكجنج وكانت الصور مختلفة تماما عن الواقع غير ان حجزي كانت على بوكنج ١٠٧ دولار والفندق طلب مني تسديد مبلغ ١٢٢ دولار وبعد اظهار لهم صورة الحجز كانت الرد المعتاد اصل يا افندم مش احنا اللي بناخد الفلوس ده بوكنج وبعد كلام كتير واصرار مني دفعت المبلغ المذكور في اخطار الحجز من بوكنج.
طبعا البوفيه مش هقدر اشرحه لكم من سوء منتجاته
اخيرا انا لا انصح احد بالحجز في هذا الفندق بالمبلغ ده ما يعادل ١٩٣٠ جنية في الليلة الواحدة مع الرغم انكم ممكن تلاقوا فنادق انظف من كدا بكتير
الصور ده لغرفة رقم ٣١٤ وفي غرفة رقم ٢٣٩ والله يا لو في فندق في محطة مصر لتكون انظف من الغرفة بس للاسف معنديش صور لها
