واحد من اسوء اماكن الاقامه التى مكثت بها فى اجازه على الاطلاق
المكان مأجر شاليهات او ملكها لبعض الشركات وهم بيتولوا تأجيرها للناس ، تعاملت بشكل شخصي مع شركه اسمها we care
شركه فى منتهى السوء هى والمكان لا يهمهم سوى جمع المال من الناس و خلاص بينما مستوى الشاليه فى منتهى السوء من عفش قديم لمستوى نظافه غير آدمى ابدا و دا باللفظ كان كلام ممثل الشركه بتاعتهم!!!! لما طلبنا تغيير الشاليه قالنا فى واحد تانى بس غير آدمى و لما طلبنا عالاقل ان يتم تنضيفه ( وفقا لكلامهم بالتليفون اما حجزت انه لتستلم الشاليه نضيف) لما طلبنا ده جه حد عند بعد العصر مثلا و بدء ينضف وقال هاودى حاجات واجى اكمل ثم اختفى ولم يأت ، الكنبه و السرير فى حاله من عدم النظافه كنا قرفانين تيجى جنبهم حتى و قالوا هننقلكم ثم امتنعت ممثله الشركه عن الرد علينا و فضلنا مش عارفين نفتح الشنط و لا نعمل ايه ..
المكان بقى نفسه عشان تتحرك بداخله محتاج كارت الاسانسير و البوابات الكتير الفاصله بين كل مكان والاخر و الكارت دا بتتسلم واحد فقط مع الشاليه ، فمثلا احنا كنا اربع اشخاص و طفلين مضطرين فى كل خطوه كل الناس تتجمع عشان هو كارت واحد! شيء مش منطقى بالمره ولا مفهوم ولو عايز كارت تانى تدفع تقريبا ٢٠٠ جنيه او اكتر
غير كل دا الكافيهات بالدور الاسفل و مفيش اسانسير فمحتاج انزل و ترجع تطلع ٣ ادوار تقريبا بدون اى مراعاه لكبار السن او المرضى وكذلك المسافه من بعض الشاليهات لحد السلم دا اصلا
الكافيهات كتير ولكن الاسعار عاليه جدا فعشان تتغدى و تشرب حاجه مثلا بالليل فانا بردوه مضطر تدفع مبلغ مش قليل
البحر بقى كان اسوء شيء عالاطلاق مليان صخور، كراسي متهالكه تماما و عددها محدود، المساحه المخصصه للمصطافين صغيره و المكان زحمه ،الشاطيء متقسم كلام و مستأجرين و مصطافين و دائما المستوى اسوء بكتير للمصطافين
تجربه سيئه جدا لا انصح ابدا بالذهاب لهذا المكان
676
147
121
72
178
