تجربتي في فندق تيوليب الجلاله العين السخنه...
الفندق كمساحه وتشطيب احسن ما يكون كعاده فنادق الجيش..الفخامه في التشطيب ..رخام ولمسات جماليه في كل ركن

لكن للأسف اسوء تجربه كإقامه...

أولا الاكل رديء جدا جدا جدا ..لا كميات ولا تنوع ولا طعم...والشيفات اللي واقفه تحس انهم بيتعاملو بشكل غريب مع الضيف

ثانياً الاستاف اللي شغالين كلهم مش بتوع سياحه ابدا بما فيهم المديرين...غالب عليهم طابع التعالي وبيفخرو بكده ويقولو اللي مش عاجبو يمشي .. غير طبعاً مواقف سخيفه توضح اد ايه بيتعاملو باسلوب غريب
انا هكتفي بسرد موقفين بس( الشاليه جواه ٣ غرف ..كل غرفه ليها مفتاح عادي معدن حتي مش كمبيوتر...فمفتاح أحدي الغرف وقع وضاع وجم فتحو بالنسخه اللي معاهم...واحنا بنعمل checkout..بيقولوا عليكم ٢٥٠ ج تمن الكالون ونقاش وازاي يضيع منكم مفتاح داخلي وحوار وكانو مانعينا نخرج من الفندق ....
كلام غريب وتصرف اغرب بصراحه...وفين بعد جدال كتير دفعنا النص...طبعا بعد ما بلغو الامن ع البوابه أنهم ميطلعوناش وكلام ميحصلش حتي ف هوستل

موقف تاني حد من الاستاف بتاع المطعم احتد جدا علي guest وعلي صوته عليه جوه المطعم وقالو الشخص اللي معاك ده قليل الادب..وعاتبتو وقولتلو مينفعش كده قالي ملكش دعوه وبراحتي.
.ولما جه مديره بعد ما لجأت له اللي تحسه أنه بردو بيتكلم بتعالي جدا وبنقوله مينفعش كده قال عادي يعني لو ال guest قليل الادب نربيه...وناخد حقنا...ولكل فعل رد فعل ..وعادي يعني

انا ذهلت بصراحه من لغه الكلام وطريقه النظرات ..

ثالثاً اي حاجه جوه بفلوس...kids area..parking...مع ان ده المفروض included..

رابعاً ..البحر غير ممهد وكلو صخور

خامساً...تعليمات غريبه جدا بيقولوها للكل..وهما ماشيين .اللي هيضيع حاجه مفتاح أو فوطه أو غيرو هيدفع تمنها ...

سادساً..حمامات السباحه مفيهاش غير منزل واحد بس ومبتتنضفش باستمرار...