انا حجزت تانى 2 شاليه يوم 18 سبتمبر ولقيت الصورة تغيرت واتمام الحجز اسرع وتوفير الحجرتين كونكتد والمعامله تحسنت بشكل يتفق مع سمعة شركات عامر جروب وان كنت اتمنى مع غيرى من النزلاء تفادى الزحام الرهيب اللى حصل بان يتم تسكين العميل فى حجراته بمجرد الحجز طالما لم يلغى لتوفير الوقت حيث تم التسكين لاكتر من 150 عميل فى 3 ساعات وبعتبر ده وقت طويل نسبيا .
المكان كان يصعب عليا انه يكون مخالف لتوقعاتى واسرتى لما حجزنا فيه اول مرة والحمد لله التجربه مختلفة واتمنى المرة الجاية تكون اتفتحت مطاعم على الاقل الخاصة بعامر جروب .
بالنسبة للبحر اكثر من رائع وتوفير 2 ميكروباص بدل واحد حقق سرعه مطلوبه فى نقل النزلاء من والى الشاطئ وياريت بعد 6 مساء يظل امكانية البقاء على البحر للجلوس فى كافيهات تبع القرية لانها المنفث الوحيد للنزلاء فى الهواء النقى.
والحركة الوحيدة البايخة فى الموضوع كانت غلق حمامات السباحة من 6 مساء وكمان غلقها من 1 ظهرا لمدة ساعة بحجة تنظيف الحمامات وطبعا ده كلام غير مقبول ان النزلاء يطلعوا ساعه بدون مبرر وخصوصا ان الحكاية دى تتعمل بعد 6 مساء وياريت يستمر النزول فى الحمامات طول اليوم ولو بإعلان ان بعد السادسة يكون على مسئولية النزيل .عموما واضح المجهود الكبير والتقدم الخطير .
وعند المغادرة تمت الاجراءات بسلاسة ويسر ورد التأمين بدون الحاجات الغريبة اللى حصلت قبل كده
مع بعض العملاء وسببت لهم ذهول .
برافو وشابوه للقائمين على المكان ..احسنتم والى الامام