المطعم بكل أمانة معطينه اكبر من حجمه ومما يستحق
دائماً وابدا يقدم كمية قليلة جداً مقابل السعر مقارنة بمنافسيه..
مع العلم بأن المطعم محلي
لذلك السعر مبالغ فيه جداً خصوصاً اذا نظرنا للكمية واللي يحب يقارن يشوف الحجم الكبير للوجبات اللي عندهم مثلاً لو بنقارن ب McDonald’s يعتبر مقارب لاصغر حجم عندهم وحتى لو بنقارن ب KFC
من وجهة نظري المطعم استمر في تدني مستوى الخدمة وجودة الطعام المقدم الى اليوم
فالفترة الاخيرة مع بداية سنة 2022
المطعم غير اسعاره وزاد كل شي وما اكتفى بزيادة الضريبة فقط وملاحظتي كالتالي:
١- المطعم فعلاً ضاف سعر الضريبة
٢- المطعم زاد سعر الوجبات
٣- المطعم زاد سعر اضافة وجبة كبيرة
٤- المطعم زاد سعر اضافة الجبنة
باختصار يمكن حتى تسلم على الموظفين بفلوس
وشخصياً حصلت لي تجربة تدل على استغفال الزباين
طلبت وجبة ودفعت من بالبطاقة من خلال خدمة السيارة
رحت استلم الطلب عطيتهم الرصيد
انتبهت لمسج البطاقة اللي كان عبارة عن 4.700
انصدمت من الفرق نفس الطلب كل مرة اطلبه ب 3.600
قلت يمكن في خطا فالطلب او شي
المهم لما استلمت الطلب لقيت انه نفس طلبي المعتاد اللي ب 3.600 ولكن هالمرة كان ب 4.700 والمضحك إن الفاتورة اللي يعطونها العميل فالنهاية مافيها أي سعر
اتوقع هالحركة عشان العميل ما يلاحظ تغيير الاسعار
{{ المختصر المفيد}} :
المطعم ما يسوى من ناحية السعر واكله اقل من المستوى البدائل الموجودة كثيرة وافضل بكثير من ناحية السعر والكمية والجودة
هل تمتلك أو تدير هذه المنشأة؟ اطلب إدراجك مجانًا للرد على التعليقات وتحديث ملفك التعريفي والمزيد.