الشيك ان كان مقبول خلال 20 دقيقة حصلنا الغرفة مع انه هالفندق معرووف انك تنقع قريب الساعة عشان تستلم الغرفة نفس ماصارلي قبل شهر 4
اخوي ومرته المفروض غرفتهم تكون قريبة منا بس قالوا له تنتظر 45 دقيقة عشان يجهزون الغرفة المهم انتظروا عندنا في الغرفة كل شي يكلمهم وماجهزت الين 5ونص العصر وتخانق معاهم وسالفة طويلة المهم اخرشي عطوه سويت عشان يرضونه
السيرفس الموظفين كلهم اوكي ومبتسمين بس الظاهر ان هالفندق عندهم نقص في الموظفين من زمان ومايبون يحلون هالمشكلة لان شهر 4 لما حجزت وهالمرة بعد الأغراض ماوصلتنا الغرفة الا بعد ساعة من دخولنا وسرير الرضيع اتصلت عشان مرتين من الساعة 4 ماجابوه الا الساعة 5 ونص او اكثر
اكبر مشكلة كانت التكييف الغرفة كانت حارة ومانمت بالليل عدل كنت اضبطه عال18 من اول مادخلت الغرفة لين سويت شيكاوت ماشفته تحت ال 22 حتى مرافق الفندق كانت حارة وتحس الرطوبة
فاليه السيارات مشكلة ثانية بالليل الساعة 9 رحت ابي اخذ الشاحن من السيارة تقريبا نطرت من 20 الى25 دقيقة عشان يجيبون السيارة طيب اذا عندكم ضغط زيدوا الموظفين
الغرفة حلوة وواسعة والبلكونة كبيرة أتوقع مساحتها يمكن 10*3 بس مش مجهزينها يعني مش حاطين في الحمام الفرشة والمعجون وموس الحلاقة وشامبو الأطفال ولوشن الاطفال كان لازم نتصل فيهم وننطر يجيبونهم
الشاور ماعجبني ضغط وقوة الماي كان متوسط لاهو ضعيف ولا هو قوي نفس الفنادق الثانية ال5 نجوم
السرير مريح ونظيف واضاءة الغرفة جيدة اتصلت في الهاوس كيبنج اطلب حليب أبو قوس لانه حاطين لنا 2 بس قالي مافي قلتله مايصير مافي بليز شيك لانه انا عندي 2 يعني لومافي ماكان في بالغرفة اثنين بعد ربع ساعة جابلي 1 بس وليش ماعندكم شاي ليبتون او شاي الربيع, ياخي أي شاي احنا نشربه الخليجيين انا مب قاعد في كيمبينسكي لندن عشان يكون اللي عندكم ايرل جراي وبلاك تي وانجلش تي انا قاعد في كيمبينسكي قطر
الشاطئ كان مغلق لما نزلنا نسبح يمكن 6 او 6 ونص
العشا كان في الغرفة طلبنا 2 برجر وحمص وتبولة الطعم 4 من 5 والسعر طلع 320 غالي شوي بس هذا المتوقع لفنادق 5 نجوم
الفطور كان جدا متعددا الفلافل كان من الواضح انه من المجمد اللي يبيعونه في الجمعية وانا اشتريه حق البيت اسمه (طعمة) والكرواسان بالنسبة لي اشوف مال كارفور واللولو احلى منه يعني وكنت أتمنى الاقي كبدة في البوفيه بس مافي كطعم اعطيه 2ونص من 5 وكتعدد الأصناف اعطيه 5 من 5
الشيكاوت كان سلس 10 دقايق واحنا طالعين فاليه السيارات كان اوكي اخذ 10 دقايق
في الاخر كل شي يهون الا المكيف
