السلام عليكم

صراحه راح اقيم الفندق بكل حياديه

العيوب:

١-الفندق اقل من الاوقعات بعض الديكورات جميله
والبعض الاخر صراحه ايب الهم والغم تقول داش مستشفى

٢- الموظفين عديمين خبره عسى ما اسالهم عن شي مايعرفون وكل ما اطلب شي مرات يسونه ومرات يطنشونه على المزاج

٣- مدير الرسبشن ماذكر اسمه حده (وقح وقليل ذوق)
كنت قاعد اسوي check in بكل وقاحه يقولي لمن تسوي check out بسرعه ابيك تفضي الغرفه لان راح يصادف خميس ومانقدر نخليك مده اطول قتله مو مشكله طيارتي ساعه ٣ الظهر كل الى احتاجه منك ساعه اضافيه يعني اتم لي ال١ ظهرا قالي والله ماقدر مزحومين
ولمن قتله وين المدير ممكن اكلمه؟؟ صدمني وقالي انا المدير
قتله اذا المدير وتتكلم بهالطريقه الموظف العادي شلون يتكلم؟؟؟؟

٣- بعض موظفين الرسبشن مايفهمون شي وكله منفسين لي درجه اني تعاملت وياهم بمثل طريقتهم عشان يحسون بالناس

٤- خدمه الكونسيرج فاشله مايعرفون شي ولا يفهمون شي بالنسبه لي اول مره اروح ابوظبي يعني ماعرف الاماكن والكونسيرج عسى ماتقولهم شي او مكان تروحله مايفهمون واذا ساعدوك حدهم تاكسي او يقولون لك روح عالم فيراري
وللامانه انا بمجهودي وبقوقل قدرت اعرف اماكن اروح لها في ابوظبي ولا اذا عالفندق صراحه نصهم مايعرفون شي

٥- موظفين التنظيف والروم سيرفس استغربت انهم وايد الطف واطيب من الموظفين الى يتعاملون مع النزلاء بالفندق

٦- الغرف مستواها جدا ضعيف مو مثل التسويق الى شفناه بالاعلانات والدعايات عن الفندق
ارضيه الغرف رديئه والحمام حده غير مريح
ديكور الغرف الجوده فيه جدا رديئه
وصراحه ازعاج تسمع صوت الغرف الى يمك تقريبا يوميا اقوم من النوم من ازعاج الغرف المجاوره وهذا غلطه الفندق مو حاط عازل صوت

٧- المطاعم فاشله وصراحه دون المستوى الى داخل الفندق

٨- للاسف سعر الليله وايد غالي على مستوى فندق ضعيف يعني هالفندق مادفع فيه ١٠ دنانير لليله الوحده

٩- صراحه المسبح فلم هندي مافيه تنظيم عيالنا يلعبون والناس كل واحد شكبره قاعد ينط وينقز بالمسبح بدون تنظيم من مشرفين المسبح انشالله مايعورون الصغار يعني

١٠- كل شي داخل الفندق غير مريح والله ماصدقت يوم سويت شيك اوت اني نفسيا ارتحت

والله ثم والله ان الفندق كان فاضي ومافي زحمه
يعني الموظفين مفروض مايكون عليهم ضغط عشان احط لهم عذر انهم يتصرفون بهالطريقه
السوال لو كان الفندق زحمه شلون راح يتصرفون؟؟

الميزات:
قريب من عالم فيراري
قريب من عالم ورنر بروذر
قريب من عالم ياس
قريب من ياس مرينا
قريب من ياس مول

هذا الى يميزه الموقع فقططططط
ولا اهو اخر مره راح اروح فيها هالفندق
وخلاني للامانه اخر مره اروح ابوظبي

فعلا دبي غير غير غير غير مافي مقارنه بين العاملين في دبي وابوظبي من ناحيه الفنادق والاهتمام بالسياح