صراحه بشكل عام المكان جميل والديكورات والمساحات واسعه والتصميمات وممرات المشي والتجول داخل المكان مريحه مكان لايتعدى ( ساعتين تقريبا ) تكون مخلص ولاعب داخل وشايف كل شي
اغلب المتعه والتشويق بسيارات الفيراري المعروض بالممرات او عن طريق بعض الالعاب
من الاخر للتجربه انصح فيها
لكن السعر ليس مقابل القيمه للاسف

العيوب:

١- التذكره غاليه جدا بالنسبه للفعاليات الى تقدر تسويها داخل

٢- اغلب الالعاب ماتشتغل او يكون باللعبه الوحده نصها شغال ونصها مايشتغل

٣- جميل الالعاب الى تستحق التجربه تكون بفلوس زياده على سعر التذكره وعددهم ٤ العاب ( مجموعهم سعر التذكره ) يعني بيكون عندك التذكره + رسوم ٤ العاب عشان تقدر تسوي كل شي داخل عالم فيراري

٤ - اسعار المطاعم داخل المدينه غاليه وصراحه اغلبها فاست فود وماتسوى تاكل منها

٥- اسعار الملابس علامه فيراري غاااااليه اقل شي ٣٠٠ درهم شفت مثل التي شيرت بره بمجمع ياس ب٦٠ و ٧٠ درهم

٦- عدد الالعاب المجانيه شامله التذكره قليل جدا

٧- ممنوع التصوير ببعض الاماكن الا بفلوس وشرط ان تشتري الصور من محل التصوير اهو يصورك

مكان جميل يتكون من 3 مستويات للالعاب للكبار والعاب متوسطه والعاب للاطفال مع عروض حيه ،الموقع مغطى بالكامل ومكيف ميزه جدا جميله بالاجواء الحاره والصيف ، يحتاج من 5 الى 6 ساعات لانهاء جميع الالعاب
اختصر الموضوع مكان جدا جميل للكبار والصغار