لقد حجزت عن طريق booking وعند الذهاب الى الفندق لم يستقبلوا الحجز واخبروني بان لا يوجد غرف شاغرة وافسدو كل خططي وعملي ﻻني لم اجد مكان للاقامة به ويجب ابلاغ وزارة السياحة عن ذلك
They are thieves
Fake reservation and they caused me an horrible problems

لم اتخيل فى حياتى ان ارى فندق يقال انه 3 نجوم و بالمنظر ده
الموقع ممتاز و كل شىء جميل فى البدايه و لكن عندما ترى غرفتك لابد ان تصاب بصدمه شنيعه
حجزت عن طريق موقع حجز ذو سمعه طيبه و ده كان اللى مكتوبلى فى ايميل تاكيد الحجز
(


ثلاثة أسرة فردية

تنفتح هذه الغرفة على شرفة. توفر الغرفة مشغل DVD وقنوات فضائية تعرض أفلام يتم سداد رسوم مشاهدتها من أجل متعتك. يتوفر في الغرفة ثلاجة صغيرة وماكينة صنع القهوة/الشاي وثلاجة. تضم وسائل الراحة المتوفرة في الغرفة مجفف شعر. تضم وسائل الراحة المتاحة تكييف هواء وخزينة ومكتب. تعتبر هذه الغرفة خاص بغير المدخنين )

فى البدايه موظف الاستقبال وجهنى على غرفه و لكن وجدت الاخ المحترم الطيب عامل التوصيل يتحدث مع موظف الاستقبال ثم قال لى الغرفه بمروحه و ليس تكييف ... طبعا اعترضت فقام الموظف بتغييرها بغرفه بها تكييف ( قديم و بدون ريموت و لا يمكن التحكم بدرجه الحراره و لا اتجاه الهواء )
وصلت الغرفه و صدمت جدا ... الاثاث قديم و متقطع و دهاناته مقشره و باختصار لازم يترمى
ملايات السراير و اغطيه المخدات مبقعه و مش نضيفه
كان فيه كنبه قماشها مقطوع و الاسفنج خارج منها
دولاب عتيق و مش نضيف ... و كومودينو مقابضه مكسوره .... فيشه مش راكبه كويس فى الحيطه ... لمبات اضاءه يعمل منها تقريبا اتنين فقط و الباقى لا يعمل ... مراه عتيقه و سيئه ... لا يوجد شرفه كما هو مكتوب بالحجز ... يوجد شباك وراء الدولاب و لا يفتح ... شباك اخر ارتفاعه لا يتعدى 50 سم و السلك مقطوع فلا اقدر افتح الشباك خوفا من الفئران و الحشرات ... الحوائط و الجدران منتهى القذاره و التراب فى اركان الحوائط ... وجدت حشره صغيره اول مره اشوفها
اما الحمام كارثى ... لا يوجد منشفه بالحمام ... السيفون لا يعمل ... البانيو قاعدته مكسوره ... الدش يده مكسوره ... ستاره الحمام قذره و اجزاء منها متدليه غير معلقه فى الماسوره ... اما الخطر الاعظم هو السخان متكسر من كل اتجاه و متلزق بشرائط لاصقه ( شكرتون )
مكتوب فى الحجز خزينه و لا يوجد
مكتوب فى الحجز مينى بار و لا يوجد
مكتوب فى الحجز سشوار و لا يوجد
اول لما شفت الملايات و الفرش طلبت من السيده القائمه على النظافه و هى سيده غايه فى الاحترام غيرته على الفور بمنتهى الذوق و لكن اثناء تغيير الفرش شاهدت المخدات و المراتب منتهى القذاره و كلها بقع لما اتشالت من عليها الملايات
نيجى للموظفين كلهم زى الفل عدا موظف الاستقبال الصباحى مؤمن ... انا حجزت بسعر متدنى جدا و اتصلت ع الاوتيل و قلت لهم السعر اللى حجزت بيه و انى متخوفه يكون فيه شىء غلط فقالولى ان ده اوفر من الاوتيل ... لما شفت الغرفه نزلت اعاتب مؤمن بذوق و قلتله مش معنى انه اوفر ان الحجره تكون سيئه بالشكل ده فكان رده ( و الله فيه ناس تانيه بتنام فيها و اجانب كمان )
الاستاذ بيحقر من المصريين و حتى قلتله ان الجمله دى مش لطيفه لكنه لم يهتم
الفطار كان معقول ( 2 فينو صغير و بيضه و قطعه جبن نستو و قطعه مربى ) و لكن عندما ذهبت للافطار فوجئت بتحضير اتنين فطار فقط و انا حاجزه غرفه تريبل ثم اخبرت الانسه فى المطعم ( هى كمان ذوق جدا ) و اخبرتنى ان لديها تعليمات بذلك و بعد كده تم تدارك الامر و احضار افطار ثالث
انا صورت الحجره بالفيديو (و اخبرتهم انى ساكتب تعليقى بكل شىء مرفق بالفيديو ) و سوف ارفعه لكم قريبا و لكنى الان متعبه لانى راجعه من السفر للتو
نصيحه : لا يستاهل الفندق و لا نجمه و ممكن تعتبروه بنسيون ردىء