السينما نفسها و القاعات و الصوت ممتازه و نضيفه جدا
--اسوء سينما و اسوء اداره،لا ينصح بها و الشكاوي معاهم مش بتعمل حاجه،لآني ادارتهم فاشله
و بعد العديد من الشكاوي و مفيش فايده تماما
--اداره فوكس سامحه بدخول الأطفال عادي جدا لحد الحفله بتاعه 6 الظهر ما عدا سينما الجولد هي الي مش مسموح فيها اطفال
فانت بتدفع 100 في التذكره في مقابل ازعاج و بكاء اطفال طوال الفيلم و تشتكي يقولك تعليمات الاداره
--الحمامات تقرف و علطول مش نظيفه من جوه و بدون ورق تواليت
--كميه ازعاج اثناء الفيلم مش طبيعيه بسبب ناس عماله تدخل و تطلع و كميه كشافات ضاربه في عينك طول ما انت قاعد
الكلام ده عن تجارب متكرره من يوم ما السينما فتحت و اخرهم فيلم الفيل الازرق الجزء التاني حفله يوم السبت الساعه 11 الصبح ،كان متواجد فيها أطفال اقل من اربع سنين و بالرجوع الاداره السينما اوضحوا انه مسموح طالما فئه الفيلم تسمح باشراف عائلي و طالما الحفله قبل 6 مسائا
-- بس التنظيم بتاع الحفلات اسوء ما يكون و اسعارها غاليه جدا مقارنه بباقى السينمات الى حواليها و اسعار الحفلات الصباحيه نفس اسعار المسائيه و دي كارثه بصراحه و يرجع يقولك احنا بنآخر مواعيد الحفلات عشان مفيش اقبال علي الساعه 10 طيب ما انت الي بتستهبل و عامل سعر حفله الصبح زي بليل، يعني انت ممكن تدخل حفله الصبح في امريكانا بلازا ب 45 جنيه التذكره و تدخل نفس الحفله في فوكس ب 80 جنيه التذكره
-- كمان مواعيد الافلام اسوء ما يكون و مختلفه و غير منظمه و شغالين بمزاجهم يلغوا شويه حفلات صباحيه، يعني بتلاقي اول حفلات الي هي المفروض صباحيه تبدآ الساعه 12 مثلا و كمان مش كل الافلام ممكن تلاقي أفلام اوا حفله ليها 5 مسائا
--حاجه قمه فى الهرجله و الاستهتار و مالهومش رقم تكلمهم عليه يقولك كل المعلومات على الموقع و الابليكيشن و المواعيد عليهم بتتغير و مواعيد الحفلات و الدخول و الاعلانات مش مظبوطه و بعتلهم علي صفحتهم على الفيس بوك و اشتكيت كتير و برضه مفيش امل
--الحمامات علطول زباله و نظافة اسوء ما يكون و مفيش اي إشراف و لا متابعه عليها رغم تقديم شكاوي كتير
--الاونلاين بوكينج فكره ممتازه و بدون اي مصاريف اضافيه بس عيوبها ساعات مش بتبقي موضحه مكان الشاشه صح و كمان كنت زمان لو حاجز اونلاين بتدخل علي القاعه علطول بال كيو ار كود بتعديه بس علي الموظف بتاع البوابه لكن دلقوتي لازم تروح لموظف يطبعلك التذاكر و ده تصرف عقيم و مقرف جدا بيلغي جمال الاون لاين
--نصيحه الى فى المنطقه هناك يدخل السينما بره المول و بعدين يروح المول،توفير للوقت بدل ما تضيع اليوم كله عشان تدخل فيلم موجود عندهم الساعه 12 الظهر و في باقي السينمات حواليه موجود 10 الصبح عادي و و كمان تروح تدفع ضعف سعر تذكره اي سينما حواليه رغم انهم في منتها النظافه زي امريكانا بلازا
-- اخيرا موضوع انهم بيفضلوا سايبين اضائه قويه و مزعجه جدا طول فتره الاعلانات و لما ناس كتير اشتكت قاله دي سيستم موحد جاي كده من الإمارات و مطبق في كل مجموعه فوكس
--هي اختيار موفق للناس الي بتحب مواعيد سينما متآخر و مش فارق معاهم او مش بيحبوا مواعيد الافلام العاديه المتعارف عليها زي حفلات 10،1،3،6،9،12 و نص الليل ،بس عشان ما حدش يلبس في المواعيد لازم لو هتدخل فيلم هناك تدخل علي الابليكيشن او الموقع بتاعهم و تشوف المواعيد
--اخر نصيحه هما عاملين نوعين من التذاكر الصفوف الاماميه بسعر 90 جنيه و الخلفيه 100 جنيه و الموضوع ده مش فارق في معظم القاعات يعني حسب القاعه و عاده الصفوف الاماميه بتبقي لحد بعد نص القاعه و بيبقي اخر صف في الامامي وراه علطول اول صف في الخلفي بانت لو حجزت اخر صف امامي بتبقي في نص القاعه الخلفي و بيبقي موقع ممتاز مش فارق تماما عن الخلفي، لكن في بعض القاعات عاملين هما فرق مستوي ارتفاع قوي ما بين الصفوف الاماميه و الخلفيه ساعتها لازم تحجز في الصفوف الخلفيه عشان تبقي في موقع مميز
--و عندهم نوعيه قاعات صغيره جدا يعني كلها علي بعضها 10 صفوف او اقل و برضه مقسمينها امامي و خلفي ساعتها برضه لازم تحجز في الصفوف الخلفي عشان ما تبقاش لازق في الشاشه
--كل الي مكتوب فوق ده عن السينمات العاديه، لكن هما عندهم سينما جولد بتقدر تاخد معاك اكل و ترجع الكرسي لورا و شويه مميزات تاني بس في وجهه نظري مالهاش اي لازمه اني ادفع فلوس زياده عشان ادخل السينما انام علي الكرسي و اقعد اسمع صوت ناس و هي بتاكل و انا كمان اكل اكيد مش هستمتع بالفيلم و لا المؤثرات الصوتية بسبب الدوشه و الاصوات الي حواليه،لكن ممكن تجربوها و تعجبكم