أنا حبيت أكتب عن تجربتي السيئة جدا مع شركه بروموشن ، دى أول مرة وأخر مرة أتعامل معاهم ، كنت حجزت فندق أمارينا سوما باي من ٢١ حتى ٢٤ يوليو ، للأسف النقل في الذهاب كانوا كلمونا قالولنا موعد الالتقاء الساعه ٤ونص فجرا ، فجأة السواق يكلمنا الساعه ٣ وربع الفجر يقولنا هتحرك دلوقت نجرى عشان نلحق ، وفي العوده جت عربية ليموزين تأخدنا من سوما باى للغردقة عشان نركب الاتوبيس ، لكن قعدنا عند سينزو مول ساعتين كاملين في انتظار الأتوبيس ، جات عربيه كوستر بدل الأوتوبيس ، تكييفها سيء جدا و صوتها مزعج طول الطريق ، لما وصلنا القاهرة فوجئنا إن السواق كمان مش عايز ينزلنا عند نادى السكة اللي هو المكان المتفقين عليه ، و كان عايز ينزلنا موقف عبد المنعم رياض ، لما اتكلمت مع مسؤل النقل قالي خلاص هنزلك عند نادى السكة ، لكن طلع بيكذب نزلنا عند مطلع كوبري أكتوبر ، يعني بعيد ، لما قلت له ما ينفعش قالي :"مش هدخل انا طريق النصر واتعطل هو كده"، والسواق قل أدبه علينا بمنتهى البجاحة ، ده عدم احترام وخدمه سيئة، لا أنصح حد بالتعامل معاكم
7
1
0
1
1
جيدة 
