اسوء ما يكون و الفراخ نيه
لا انصح اى شخص يأكل فى المكان
الغريب فى الموضوع أن بداية المطعم كانت جيده و لكن من سىء لأسوأ

من أسوأ خدمة عملاء أنا شوفتها في حياتي… يوم السبت ٦ نوفمبر طلبت أوردر ساندويتشين واحد منهم كان "ماسل أتاك" بس طلبت انه يكون من غير خس و طماطم. الأوردر وصل و ساندويتش الماسل كان عبارة عن فراخ و شريحة جبنة، لا كان فيه مشروم و لا أي صوص.. كلمنا الكول سنتر نشتكي قال لنا ماعلهش نعوضها في الأوردر اللي جاي!!!! ماصدقتش نفسي من الرد الصراحة فا كلمنا الشكاوي و بعد ربع ساعة على التليفون انتظار و شرح قالوا لنا ماعلهش أصل الصوص ناقص في الفرع!! مش عارف دة ماتقالش ليه و أنا باطلب الأوردر.. قلت لها خلاص بدلي الساندويتش و هاتي "هارت أتاك" مكانه، قالت لي فيه فرق ٥ جنيه و مصاريف دليفري يبقى حسابك ٢٣ جنيه.. قلت لها انا عايز أكلم المدير، جالي واحد قال لي أنا محمد مسئول الكول سنتر، بعد ما حاكيت له المشكلة قال لي خلاص هاشيل الدليفري بس فيه ٥ جنيه فرق الساندويتش!! قلت له انت بتكلمني في ٥ جنيه و المشكلة كلها عندكم و ان الأكل التاني أصلاً برد و الناس مش هاتاكل مع بعض علشان الخدمة السيئة دي، قال لي خلاص هانبدل الساندويتش من غير فلوس. قلت له من فضلك الساندويتش ييجي من غير خس و طماطم، قال لي تمام و الساندويتش هايجيلك بعد ٤٥-٦٠ دقيقة. الساندويتش أخيراً وصل و كان فيه خضار برضه عكس ما طلبت و الأكل اترمى و كانت تجربة سيئة جداً. و دي كانت أخر مرة أنا و أسرتي نطلب فيها أو ناكل من المكان دة!!!!

اسوء حاجه ممكن تحصل انك تاكل فى المطعم السىء ده
فراخ نيه و برجر اسوء و طلبات غلط
حاجه مقززه جدا أن فيه مطعم زى ده فى مصر

هارت اتاك نموذج ناجح فى التوسع والانتشار والمحافظة حتى الأن على الجودة المقدمة ...........


#Ahmed_Tourk
#The_Taster