الفندق مميز من حيث الموقع ،صغير الى حد بعيد و لكن مميز ، حيث انه فيه عبق الماضى من حيث الطراز و التصميم من الداخل.
مشكلته الوحيده ان اماكن الانتظار محدودة و ممكن ان تؤذى سيارتك فخارج الفندق يوجد اماكن انتظار و لكنها محجوزه لافراد الفندق او مشغولة دائما و الجراج السفلى ملىء بالسيارات و يقوم افراد الجراج بدفع السيارات من مكان لاخر لجعل الجراج اكثر استيعاب، كما أن هناك رائحة كريهة فى اسفل الجراج مثل المراحيض العامة.

اقمت في الفندق 6 ليالي نظرا لزيارة عمل داخل التجمع وكنت متوقع الحد الادني من الخدمة خاصة ان الفندق يقع في مكان مميز وسعرة مش رخيص وشكله من الخارج يبشر بالخير.
مبدايا انا دخلت وركنت عربيتي في الجراج الخاص بالفندق وهو جراج يعتبر مقبول بس مش بيستوعب عدد كبير .
ركنت العربية ودخلت الفندق بالشنط وعديت علي فرد امن واحد لم يسالني انت رايح فين ولا معاك ايه ولا فتش الشنط. وكمان مافيش اي اجهزة كشف متفجرات.
للامانة بس قبل ما ادخل الجراج فيه واحد بتاع امن بره الفندق فتح شنطة العربية وقفلها تاني بدون اي تعليق.
المهم دخلت علي الريسيبشن ومكانش فيه اي حد يساعدني في شيل الشنط بتاعتي. ولا حد عرض حتي عليا الخدمة. خلصت مع الريسيبشن وطلعت الحجرة بتاعتي (لوحدي) وطبعا قعدت اسال علي مكانها لانك لما تخرج من المصعد مافيش اي علامة تقولك فين حجرتك !!
دخلت الغرفة وكنت تعبان جدا ونفسي انام حطيت الشنط واتفاجئت ...
الحمام غير نظيف بالمرة ولا يوجد ورق تواليت وملايات السراير متسخة للغاية . واضح انها لم يتم تغييرها من اخر نزيل . وحالة الحجرة العامة غير مبشرة. بقع في الموكيت وبقع علي المراتب والكراسي . حاجة بصراحة مش تمام خالص.
كلمت الريسيبشن وطلبت منه يغير الحجرة (كحل سريع لاني تعبان وعايز انام) رد عليا وقالي حبعتلك حد ينظف.
قولت اصبر. وجالي الراجل وقعد ينظف ويغير ملايات السرير و حطلي مناديل (لاني طلبت) اي حاجة مش بطلبها مش بيجيبها من نفسه.
المهم نمت وصحيت ونزلت افطر. الفطار اقل من العادي. بس عندي ملاحظتين مهمين ( الاولي ان مافيش عيش!!!😁. اه والله. مافيش غير توست بايت ومايتكالش) التانية ان العصير مش فريش .. وده طبعا شئ سيئ للغاية.
خدمة الغرف مش بتيجي الا لما تطلبها وبيتاخر فوق الساعة علشان ييجي بعد ماتكلم الريسيبشن اكتر من مرتين علي الاقل.
شبكة النت سيئه جدا جدا. فلو عندك شغل محتاج نت ماتعتمدش عليه خالص.
كيبل التليفزيون قنواته محدوده وصورتها مش تمام.
المراتب فطسانة ووجعتلي ظهري.
مافيش مكواه. مافيش سجادة صلاة. مافيش اتجاه قبلة. مافيش حاجة في تلاجة الميني بار. مافيش غير زجاجة مياه واحدة صغيرة لفردين. مافيش منيو للمطعم. مافيش دليل تليفونات. مافيش دليل سياحي لاماكن الفسح في القاهرة. مافيش
الموظفين مكشرين وبيعاملوك بطريقة مش كويسة خالص.
الحاجة الوحيدة من وجهة نظري الكويسة في الفندق ده هو موقعه ولو ان في نفس الموقع فيه تلات او اربع فنادق تانية انا نزلت فيها وكانت ممتازة.
اتمني اني اكون نقلت المعلومة بوضوح.

تم افتتاح فندق Landmark Hotel مؤخرا. ومنطقة حمام السباحة لا تزال تحت الإنشاء، ولكن سيفتتح في غضون بضعة أسابيع. يقع الفندق في منطقة تسمى القاهرة الجديدة، والتي تعتبر تطور كبير، تبعد حوالي 20 دقيقة بالسيارة من وسط القاهرة. الفندق نفسه هو فندق صغير فاخر، مفروش بشكل جيد للغاية من مكتب الاستقبال وإلى الغرف. لم أمكث في فندق نظيف كهذا من قبل! الموظفون ودودون للغاية دون استثناء، ومعظمهم يتحدثون الإنجليزية بوضوح. لا أستطيع التعليق على الطعام حيث لم أتناول الطعام هنا، ولكن وجبة الإفطار على ما يرام. أقمت في جناح دبلوماسي، وكان به غرفة استقبال كبيرة، وغرفة نوم، سيرا في خزائن الملابس، وحمام هائل مع حوض استحمام جاكوزي، ودش منفصل، كلا يتم عرضه بشكل جيد للغاية، مع أثاث جيد ونظيف جدا. الفندق ليس لديه ترخيص مشروبات كحولية، وبالتالي لا يوجد بار، وهذا معتاد في مصر. باختصار، إنه فندق جيد جدا.