الغرف صح جميلة وواسعة بس الخدمة سيئة والنظافة ابداً مو مهتمين فيها وفوط الشاور مقطعة وتنظيفهم عبارة عن تغير المفارش و الزبايل الله يكرمكم بس! ولمن خلصت مدة اقامتي ما يتركون حركاتهم طبعاً دافعه لهم تامين ٤٠٠ دولار ووقت التشك اوت يقولون مو دافعه شي انتي اعطينا الوصل طيب وهم من الاساس ما اعطوني اي وصل للتأمين لمن سويت التشك ان ، وصارت مشكلة وارتفعت اصواتنا وكان جنبنا عايله مسوين معهم نفس الموقف ، و اختفى المدير ربع ساعه بعدها نزل قال تعالو شوفو كاميرات المراقبة طبعاً بعد ما رقى هو وحذف اجزاء دفعنا للتامين كله وخلانا نشوف المقطع من غير وقت دفعنا للتامين !! انا مو مجنونه ومتاكدة اني دافعتها لاني داخله البلد ومعي مبلغ معين للدولارات واعرف كم دافعه للاوتيل بس غصب يجننونكم ، بالمختصر تموتون ولا يرجع لكم حق التامين !

وعلى فكرة نفس السالفه سووها للبنات معي بالغرفة الثانيه وفوق التامين اللي سرقوه كالعادة قالوا تاخرتي بالتشك اوت و اخذوا فوقه زياده مبلغ عشان تاخرت بالتشك اوت على ان حجزها ٨ ليالي وقالوا لا حجزك ٥ ليالي عندنا ولا خبروها ان عندها تشك اوت ولا شي عشان ياخذون التامين وفوقها يطالبونها بمبلغ ، انتبهوا منهم اسووووأ اوتيل حتى الموظفين يرفعون اصواتهم عليكم لمن بديت احاججهم بالكلام بدوا يصارخون كل ما توهقوا صارخوا ، عبارة عن عصابه كل احد يمشي كلام الموظف الثاني عشان يطلعونك انتي الغلطانة وهم الصح