إنديرا مطعم هندى Authentic للغاية، الشيف نفسه اللى بيلف كل شوية يسأل عن رأى الناس فى الأكل مثقف جداً و اللى بيفهم فى الأكل هيستمتع جداً فى الكلام معاه بدأنا وجبتنا القوية بطبق Assorted Appetizers كان فيه جمبرى و فراخ مقليين و معاهم samosa جواه بطاطس مهروسة و معاهم كمان حلقات بصل مقلية، كله كان لطيف و الجمبرى بالذات كان تحفة بعد كدة دخلنا على Shahi Tandoori Platter (Mix Grill) ده فيه جمبرى و كفتة و فراخ تندورى مشويين، التتبيلة عظيمة و الحاجة طرية و خفيفة جداً الأطباق طلبنا جمبرى بصوص الكارى كان جميل جداً، طلبنا الطبق الشهير الMurg Makhni أو الButter Chicken و كان هايل برضه و طلبنا حاجة كدة إسمها Baingan Masala ده طبق vegetarian عبارة عن بتنجان مكعبات مطبوخ مع بصل، طماطم، ثوم و جنزبيل، قريب شوية من المسقعة بس طعمه مختلف و مميز جداً ندخل بقى على الوحش، الLamb Oozy دى لحمة ضانى بتستوى على نار هادية لمدة طويلة بتبقى طرية جداً و بيبقى تحتيها ارز بالمكسرات رهيب ده طبعاً غير الصوص اللى بييجى معاها اللى بيخلى الطبق أحلى و أحلى
هل تمتلك أو تدير هذه المنشأة؟ اطلب إدراجك مجانًا للرد على التعليقات وتحديث ملفك التعريفي والمزيد.