Mince
مساء الخير
امبارح روحت انا و صحابي نفطر في mince اللي في point 90
اولًا الوايتر و هو بياخد طلبنا كان في منتهي عدم الاحترام و كان بيكلمنا بطريقة وحشة
و جاي بقوله عايز بس اطلب اوردر لواحد لسة مجاش عشان
بس ينزله علي الفطار
قالي اسكت انت دلوقتي
ثانيًا قبل ما الكلام دا يحصل كنت مدي للمطعم تورتة عشان عيد ميلاد فقلت للراجل بعد الاكل انه يجيبها مش متقطعة عشان نحتفل الاول و قلتله اكتر من مرة
قالي في خدمة 70 جنيه قلت ماشي عشان اليوم يعدي
جابهالي متقطعة قطع صغيرة جدًا قلت مستحيل تكون دي كل التورتة فقلتله طب هات الباقي قلي بس كدة شوية و بعت واحد صحبي يقولو انه عايز تاني
ادالو العلبة متقطعة و حالتها حال و اللي جوا يجي 5 قطع و دا مش كلها بردو و كانو مرمين كدة و كان في frosting عليها متشال
روحت للمدير اقوله
الراجل كان غير محترم خالص و قعد يتكلم معايا
و قلي "يمكن حد من الجوا طمع فيها و كان عايز ياخذها"
ايه البجاحة دي مين بيقول كدة!! قلتله و هل دا ينفع قلي"حقك رجعلك عايز ايه دلوقتي" قلتله بعد ايه نص التورتة متكلة و متشال منها الfrosting و قلتلي في الاول اصلًا ان التورتة خلصت اصلًا
قلتله انا مش دافع ال70 جنيه دي عشان دي علي الخدمة و الخدمة اللي استلمتها كانت زي الزفت
فلا خلونا نحتفل بالتورتة و اكلوا نصها
شكرًا جدًا لmince point 90 علي عدم الاحترام دا
هل تمتلك أو تدير هذه المنشأة؟ اطلب إدراجك مجانًا للرد على التعليقات وتحديث ملفك التعريفي والمزيد.