فرع الشجرة
بصراحة المطعم مستواه نزل خالص خصوصا السيرفيس عشان يعتبر اصلا مفيش سيرفيس.. احنا دخلنا وقعدنا ولا حد عبرنا وجالنا 2 تاني من صحابنا وبردو محدش عبرنا.. جه واحد كتر خيره سابلنا المنيوهات ومشي.. ومستنيين بقي حد يجي يشوفنا نشرب ايه او يرشحلنا اي حاجة ولا في الدماغ اصلا.. اخيرا لاقينا واحد واقف ساند علي السور ومربع ايده بشاورله مفيش اي ريأكشن خالص وف الآخر الحمد لله شافني راح جايلي من غير مساء الخير حتي بقوله عايزين نعمل اوردر قالي تمام وراح ساند ايده ال 2 علي الترابيزة ‼️‼️‼️‼️ده بجد ؟؟؟؟؟ عمري ما شوفتها في السياحة ولا في اي مطعم حتي بتاع كبدة وسجق وخد الاوردر
الشوربة بقي جات باردة رجعناها راحوا حاطوها في الميكرويف وجابوها تاني بس كانت احسن شوية من الاول.. دافية بس اهو تتشرب.. كنا جعانين جدا
بعد كده السلطة جات.. كنا طالبين 2 جاتلنا واحدة بس ومن غير فراخ فبقوله المفروض معاها فراخ وهما 2 مش واحدة فقالي لحظة واحدة وراح ورجع خد الطبق من غير ما يتكلم فبقوله تمام معاها فراخ صح ؟ قالي اه وسابني ومشي
دخلنا بقي علي ال main course طالب السايد pasta red sauce جاتلي بولونيز قولت مش مشكلة الحمد لله ان الاكل سخن
وهو بينزل الكانز البيبسي بقي راح موقع الصوص علي الترابيزة علي موبايلي والمفاتيح بس عادي وارد يحصل مفيش مشكلة.. المشكلة ان اقل واجب تعتذر.. هو كمل عادي ولا كأنه عمل حاجة وخد بعضه ومشي وبعتلنا حد صغير كده هو اللي مسح الترابيزة وهو اللي اعتذرلي مع انه معملش حاجة
خلصنا اكل وقاعد حرفيا اكتر من ربع ساعة مخلصين مش لاقي واحد اشاورله يجي يرفع الاكل لحد ما زهقت وروحت عند البار انادي حد يجي يرفع الاكل
كتر خيره بردو الشخص الثغير هو اللي جه ورفع كل حاجة وعمل ال takeaway وجابهولنا
تجربة سيئة جدا كان عيد ميلاد وكنا 4 اشخاص بس عمري ما هروح تاني بصراحة بعد اللي شوفته هناك
هل تمتلك أو تدير هذه المنشأة؟ اطلب إدراجك مجانًا للرد على التعليقات وتحديث ملفك التعريفي والمزيد.