Adrenalin Park, Egypt

توصل للمكان ده تستلم الأفارول المموة بتاعك

تستلم سلاحك وتلبس الماسك اللى بيحولك لوحش ..

تجمع فريقك حواليك و تتفقوا ع الخطة واللى تقابلة فى المعركة مترحموش

المكان ده بالذات علشان مش موجود زية بالمساحة دى والاحترافية اللى معمول بيها فالناس بتجيله من كل حتة لان فى ملعب مساحتة أكبر مساحة لل Paintball فى الشرق الأوسط وخصوصا .. وكمان الللوكيشن ده أتصور فيه أعلان أتصلات بتاع الحضرى، سيد معوض ومحمد ثروت ( علشان الناس اللى سألتنا )

بتختار سلاحك و تنزل في ساحة الحرب مع فريقك
عندهم 3 ملاعب "Armageddon - Castle - Village "
منهم اكبر ملعب في الشرق الأوسط و كل ملعب بيكون فيه مهمات معينة و شكله و تصميمه تحس إنك في حرب بجد، عربيات محروقة، مباني مكسرة عربية مقلوبة، تبة تستخبى وراها "المكان دا تطلعوا منه بشوية صور تحفة"

بتتقسموا فريقين و تختاروا المهمة اللي لازم تتنفذ عشان الفريق يكسب، اللعب ممتع اوي خصوصا لما كل فريق يتكتك للفريق التاني و كل ما تكون عامل خطة ذكية كل ما هتنبسط اكتر بالجري و الحركة السريعة و اللعب و النشان على صحابك

كل فريق بيبقى ليه لبس مختلف (اڤارول عشان هدومك تفضل نضيفة) و الميزة إن بعد كل واحد ما بيستخدم الافارول بتيجي شركة تغسلهم و تجيبهم مغسولين في اكياس جديدة و هما مهتمين جدا بالنضافة في الحتة دي بشكل خاص و موفرين كل المقاسات

ممكن تختار المسدسات اللي بتضرب طلقات الالوان "paintball" ال Missions او المهمات بتكون مختلفة زي حماية شخص مهم VIP عشان يتحرك من مكان لمكان تاني و طبعا مهمة الفريق التاني العكس، انهم يستهدفوا الشخص دا
و بتكون حلوة من أول 15 لاعب لحد 30 لاعب
لكن لو عددكم اقل ممكن تلعبوا قتال شوارع street fight
الاسعار بتبدأ ب 220 جنيه للفرد "المسدس العادي" و بيكون معاك 75 طلقة
ولو خلصتهم ممكن تشتري زيادة
50 طلقة ب 70 جنيه
او 100 طلقة ب 120 جنيه
و ممكن تشتروا 1000 طلقة ب 1000 جنيه و تقسموها مع بعض و تبقى حفلة
ممكن كمان تختار special gun بيبقى شكله اقرب للحقيقي و تصويبه ادق، سعره بيختلف شوية
MIG SCAR-L AK 47 M16
300 جنيه و معاه 100 طلقة
او 400 جنيه تشتري بيهم 400 طلقة دا بقى لو عايز تتوصى بصحابك شويتين و تعملهم فيها رامبو و ناوي تخربها

في كمان Aqua fight و دي بتكون عبارة عن مسدسات مياة "قوية و مختلفة عن العادية" في ملعب مخصوص و اللعبة دي بتكون شغالة في الصيف بس، طبعا لازم تكون عامل حسابك في طقم تاني معاك تغيره بعد ما تلعب و بعد ما تخلص تاخد shower و تغير براحتك ..الساعة للفرد ب 100جنيه

و تالت لعبة اسمها بازوكا .. و دي بتبقى طلقاتها عبارة عن سفنج دي مناسبة أكتر للاطفال .. الساعة للفرد ب 150 جنيه

بالنسبة للشركات أو المجموعات (جامعات/ شلة كبيرة) ممكن تطلبوا funday و تزود فيه ملعب صابون أو color festival
و كمان في ملعب كورة .. و ممكن تلعبوا bubble soucre
اللي هي كل واحد بيلبس كورة و تفضلوا تجروا و تلعبوا كورة

كمان ممكن تتفق معاهم على بوفيه مفتوح علشان تقعد اليوم كله و الاسعار بتبدأ ب 120 جنيه للفرد، او تختاروا وجبات ساندوتش و عصير مثلا

رقم الحجز
01225001008

العنوان: 6 أكتوبر - من ميدان جهينة ادخل يمين أمام زايد 5 بداخل بوابة شركة 6 اكتوبر للاستصلاح الزراعي

Abdulrhman Sofian