نصيحة الي اي شخص تعب ف فلوسة وماجبهاش عن طريق الحرام.. مايدفعهاش ف المطعم ده.. لانهم ببساطه عملوا خدعه ماديه وحبكوها كويس.. الناس اللي غاوية صيني وفاهماله تمام عارفين ان اقل طبق للنودلز ف المطاعم التانيه مايقلش عن 25 فيما فوق.. فالما اشوف .. نودلز ب 17ج واقصاها 20ج بس دول فشخوا سعر النودلز ف السوق.. (ده ايه الناس الطيبين دول).. والخضار ب 7 واقصى نوع فيه ب 12.. لا انا وش هاشتري.. لنفاجئ فيما بعد بعينات مرضى السكر او وجبات الاطفال -الرضع- وخضار لا علاقة له بالمطبخ الصيني سوا -وجود صويا سوس- وسوس ايه ده اللي باضيفه ب 10ج.. هما لما قالوا الاسعار دي مش خسرانين حاجه ولا هما اقل من غيرهم اطلاقا ف السعر.. كل ما ف الامر انهم لعبوها كويس وكسبانين 100% من الكمية الضئيلة اللي بيسوقوها سواء ف الكومبو او ف نظرية اصنع وجبتك.. او بمعنى اصح اصنع ختم قفاك.. اللي بيستخدموها ف الاختلاف عن غيرهم.. واول مانطلع بره هوجة الكومبو والتركيبات الاقتصادية دي ونتجه نحو الاشياء المنفردة زي السلطة او الابيتايزرز نجد كل شئ اغلى من حجمه 10 اضعاف.. لا يوجد مطعم اقتصادي يبيع سلطة كرنب عبارة عن 5 معالق بالعدد ب 16ج.. من الاخر نظرية مادية حقيرة من جانب اصحاب المطعم لشد الناس وايهامهم بالاقتصادية والتوفير.. انما ف الحقيقة هو مطعم في غلو بكين وداملينج وكيميزوغيرها من المطاعم التي لم تخفي بالفعل غلائها ولم تنتهج على الاقل نهج -الحلمبوحة- لايهام الناس انهم مطعم اقتصادي.. كما فعل هذا المطعم.. لا اكره في حياتي اكثر من -الكذب والخداع- فاذا كان يطرح نفسه بالفعل كمطعم -غالي- لن اخذ منه موقفا كما افعل الان.. ولكن ان يوهمني هذا المطعم باني استطيع ان ااكل مكرونة وخضارا ب 35ج.. فياللفرصة العظيمة ليقدملي ف النهاية طعاما بقيمة 10 جنيهات ولا يمثل واحد ف % من الكمية المتعارف عليها بالاسعار الاعلى.. فهذا ما لا اقبله.. ف النهاية الشخص ممكن يغفر الغلو احيانا مقابل الطعم المحترم.. ولكني ارى هذا المطعم لا يتمتع بطعم صيني حقيقي ولا جوده تحترم وكميات خادعه وطريقة رخيصة و نصابة في جذب اهتمام الناس اقتصاديا.. لايوجد شئ حميد في هذا المطعم سوا التوصيل السريع.. وهذا لا يغفر لهم ((الاوهام الذي يقدمونها في علب انيقه على الطريقه الصينية)) .. اول واخر مره.. ولا انصح به سوى اللي سارقين فلوسهم.. فعلى اية حال لن يشعروا بها..