اذا كنت من محبى الحضارة المصرية و الاثار الفرعونية فيجب عليك زيارته و رؤية عظمة الحضارة المصرية ,و هو يقع بالقرب من الاهرامات فى منطقة الرماية

لابد من زيارته لرؤية و مشاهدة عظمة الطريقة التى تم بها عمل هذا التمثال ... و هو تمثال ضخم جدا .. يعبر عن حضارة و تاريخ مصر العظيمة

هو اعظم و اقوى الملوك اللي حكمو مصر على مر التاريخ الفرعون العظيم دا حكم مصر حكم مصر لفتره طويله من سنة 1279 لسنة 1213 قبل الميلاد لمده سته و ستين سنه و شهرين و بيييجي ترتيبه التالت في ملوك الاسره التسع-ت-اشر اللي حكمت مصر في المملكة الحديثه. رمسيس التاني ساب اثار رائعه من اشهرها معبد ابو سمبل معبد الائصر و معبد الكرنك. رمسيس التاني اتولد سنه 1303 (ق ع ح) وعينه ابوه (سيتى الاولانى) ولى للعهد وهو عنده 14 سنه يادوب [5] و وصل لمنصب الفرعون وهو عنده عشرين سنه. ويتقال انه عاش لحد ما وصل عمره 99 سنه بس على الارجح مات وهو عنده تسعين او واحد و تسعين سنه. واتدفن فى مقبره من مقابر وادى الملوك و جثته (الموميا بتاعته) معروضه دلوقتى فى المتحف المصرى فى مدينة القاهره.
رمسيس التانى ، إتولا على العرش يوم 31 مايو 1279 قبل الميلاد و بيعتبر أقوى فرعون عرفته مصر.[5] وركز الجزء الأولانى من حكمه على بنا المدن و المعابد و النصب التذكارية. و اسس مدينة بى- رمسيس فى دلتا النيل و خللاها عاصمته الجديدة والقاعده الرئيسيه لحملاته العسكريه فى سوريا. بى- رمسيس إتبنت على بقايا مدينة اواريس ، عاصمة الهكسوس لما حكمو مصر ، و كانت موقع المعبد الرئيسى لعبادة الاله ست .