دخلنا الريسيبشن كاننا دخلنا ساونا لايوجد تكييف تخيل قاعد فى درجة حرارة36 فى فندق 5نجوم؟؟موظف الاستقبال قعدنا 45دقيقة فى هذا الجو الخانق وفى النهاية اعلن ان احد الغرف ا لمحجوزة لنا لايمكن فتحها ولم يبدى اى اعتذار؟؟ولما طلبنا غرفة بديلة حطنا فى غرفة فى طابق تانى بقيت انا فى طابق واسرتى فى طابق اخر!!!!
العرف نظيفة ومجهزة جيدا....والمطعم ممتاز والعاملين فيه محترمين
كان من اهم مميزات الفندق رؤية الاهرام..هذا المنظر غير موجود الان نظرا لاقامة مبانى مخالفة حجبت رؤية الاهرام
لاتوجد خصوصية للحفلات على حمام السباحة ..النزلاء متواجدين على الحمام اثناء الحفل

ذهبنا لفندق جراند بيراميدز اكتر من مرة وكان جميل جدا لدرجة اننا كنا بنروح باستمرار من غير تفكير لكن زيارتنا الاخيرة كان غير مرضية من عدة نواحى مثلا حمام السباحة محتاج صيانة لم يكن نظيف كما تعودنا بالرغم من ان عدد النزلاء كان قليل
الشزلونجات عددها قليل جدا ولما سالنا عن السبب قالوا ان الباقى مكسور ولسة مجاش جديد بوفيه الافطار كان متواضع جدا بوفيه العشاء كان سئ وغير متنوع اطلاقا واصناف قليلة جدا الفندق بيمنع اننا نطلب دليفرى من اى مطعم على الرغ اننا كنا بنطلب فى المرات السابقة وبقى مطلوب مننا نخرج ناكل برة لانه هاف بورد والطعام سئ جدا لكن الكافيه اللى على البسين اكله افضل بمراحل من طعام المطعم
الغرفة كانت نظيفة لكن تجهيزات الحمام كانت غير مرضية البادى لوشن كان ناقص وتانى يوم طلعنا الغرفة بعد التنظيف وجدنا انهم حاطين زجاجات شامبو مستخدمة من قبل كان مملؤة حتى الربع فقط تقريبا نوع من انواع التوفير
عاملين حمام السباحة فى منتهى التعاون والذوق موظفين الاستقبال محترمين جدا وودودين باستثناء واحدة لكن لم تكن سيئة
وواضح ان العاملين السيدات ليسوا على درجة جيدة لاننا شفنا واحدة منهم بتتخانق مع نزيلة على حمام السباحة بصوت عالى جدا وغير لائق اطلاقا
عرفنا ان فى ادارة جديدة للمكان واضح ان سياستها التوفير ياريت يراجعوا خططهم تانى علشان المكان جميل وخسارة ان مستواه ينزل بالشكل دة وعموما احنا قلنا الكلام دة كله فى شكوى واحنا ماشيين واتمنى انهم يقروها ويرجعوا زى الاول