CIT سافرت على مركب شامبليون من خلال الشركة المالكة
رحلة ٣ ليالى و٤ ايام من اسوان إلى الاقصر
التسكين اخد شوية وقت علشان احنا وصلنا بدرى وعلشان التعقيم والتنظيف
اكتر حاجة عجبتني الاهتمام بالنظافة سواء فى الغرف أو الأماكن
التانية
القعدة على سطح المركب روعة بالذات بليل أثناء الإبحار
المطعم نضيف والأكل طعمه حلو بس ينقصه التنوع
اليوم الشرقى (كل يوم سبت) كان الاكل يجنن وده كان احلى عشاء
العاملين على المركب كلهم ذوق واحترام وعايزين يساعدوا طول الوقت
كمان المركب كانت موفرة خدمة التوصيل من والى المحطة أو المطار بسيارات سياحية والناس قمة فى الذوق

يوم الجلابية بارتى كان محتاج تنظيم اكتر من كده وكنت متخيلة وجود عرض تنورة مثلا او فرقة نوبية بس للاسف الحفلة كانت مقتصرة على بعض الالعاب بين الضيوف والاغاني الشعبية فقط

إجمالا كانت تجربة لطيفة جدا وعايزة اشكر مستر اشرف مدير المركب وأستاذ عامر المسئول عن التوصيل وأستاذ حسام واستاذة أمانى مسئولة الحجز لانها كانت بتجاوب على كل الأسئلة ومتابعة
طول الرحلة
ومزيد من النجاح ان شاء الله