قضيت شهر العسل في هذا المنتجع سبب الاختيار للفلبين وبوركاي هو تاريخ زواجي كان في شهرفبراير وهي انسب وقت لزيارة الفلبين حجزت رحلتي عالخطوط الفلبينية من الدمام الى بوراكاي ترانزيت ساعتين في مانيلا فقط .. وصلنا مطار بوراكاي وكان باستقبالنا ممثلي الفندق نقلونا بالسيارة مشوار ١٠ دقايق فقط الى الجيتي الخاص بشانغريلا عبارة عن لاونج فخم فيه مشروبات ساخنة استرحنا فيه وبعدها تم دعوتنا لركوب القارب اللي نقلنا للمنتجع وسط البحر اخذنا تقريباً ٢٠ دقيقة ووصلنا كان باستقبالنا فرقة شعبية بالطبول عند المدخل وركبنا البقي عبارة عن سيارة قولف وبدت البنت اللي تستقبلنا ترحب وتشرح مرافق المنتجع وقتها اذكر مو قادر اجمع من كبر المنتجع كان فيه مرافق كثيرة .. وصلنا الاستقبال وكانت اطلالته خيالية وتصميمه رهيب جداً كان حجزي غرفة مطلة عالبحر وعرضت علي موظفة الاستقبال اني ارقي غرفتي لليلة واحد للفيلا فوق الشجرة مع مسبح خاص بمبلغ بسيط ١٠٠٠ ريال تقريباً لكني رفضت هههههههه كنت مااعرف كم بصرف خلال اقامتي عشان بخلي وجباتي كلها بالفندق .. المهم استلمنا مفاتيح الغرفة ووصلونا بالبقي للغرفة واول مادخلت الغرفة كانت باردة ترد الروح وموسيقى مشغلة وواسعة واطلالتها روعة .. حسيت بشعور جميل جداً .. الفندق فيه ٥ مطاعم منوعة بعضها لازم تحجز مبكر لأنه بيكون فل عطوووول وبعضها مايحتاج حجز .. الستاف خدوم ومبتسم بطبيعة شرق اسيا كلهم طيبين وخدومين .. اجمل مطعم كاطلالة هو سولانا انصح زيارته في فترة المغرب تراقب الغروب وتستمتع بالبينا كولادا كان شعور جميل .. فقط اعتب على انهم يبغونك تمشي بسرعة ههههههه عشان فيه زحمة ناس تبي تجلس في نفس المكان هذا .. مطعم فيفانتا هو نفسه اللي فيه بوفيه الافطار وفيه ايضا بوفيه للعشاء .. فيه مطعم يقع في اعلى المنتجع اسمه ريما وهذا لازم حجز مبكر وبصراحة اكله لذيذ لكن كميات قليلة جداً وغالي ويوم رحناه حسينا داخلين مطعم فاره وفخم مافيه اي شي من بساطة بقية المطاعم .. الذ مطعم كان المطعم الواقع على المسبح واسمه سيلو بصراحة الذ مطعم واسعاره مناسبة برفق لكم الفاتورة .. اما عن البحر والفيوهات جداً جميلة .. عندهم خدمة مجانية تنقل الى الدي مول في ستيشن ٢ بصراحة رحنا مرة ولاعجبنا الوضع بالاخص وقت النزول لستيشن ٢ شفنا بعض التصرفات من الشباب السعوديين هناك وكانت جداً مزعجة خلتنا نرجع في اقرب وقت للعودة .. الانشطة البحرية ليست جميعها مجانية للاسف مثل الكاياك والسيلنق دفعنا عليها فلوس فقط السنوركلينق كان مجاني .. في عندهم جناح ترفيهي جميل فيه كرة سلة وبلياردو وتنس قضينا فيه وقت جميل جداً .. صادف وقت زيارتنا عيد ميلادي وفاجئونا باحضار كيكة وبالونات بالغرفة وكانت بادرة جميلة منهم .. طبعاً جابوا لنا معاها غرشة ويسكي هههههههه بس ماشربناها يقال لهم مدلعينا .. واعتذر عالاطالة, اللي بيروح لاتقل رحلته عن ٥ ليالي ..!

كانت تجربه جدا حلوه بس الجو ماكان مناسب المطر كان بشكل مستمر ما انصح الزياره تكون في شهر اغسطس او بعد والمدينه جدا جميله ورائعه ويوجد فيها الكثير من الفعاليات المناسبه للاطفال والكبائر وفيه خدمه التوصيل الى ستيشن2

الفندق رائع و الاسعار مناسبة جدا، طاقم العمل متعاون و لطيف. تسجيل الدخول و الخروج كان سريع و لم يستغرق سوى بضع دقائق. الفندق مناسب للجميع، يعيبه فقط عدم وجود وايفاي مجاني بالغرف و في بعض الاحيان وجدنا بعض الحشرات في الغرفه.