السلبيات:١_الغرف ضيقه
٢-الريسيبشن ضيق جدا حوالى ٣٠ مقعد
٣- سقف الريسيبشن بيخر ماء على الزوار و الارض
٤- البيسين صغير
الايجابيات ١-المطعم ممتاز و الإفطار شيق
٢- نظافه الغرف ممتازه
٣-جميع العاملين ممتازون

ملحوظة اولى) تقريري عن زيارة مش حديثة، كانت في الشتاء (يناير 2019)
ثانيا) دي اول اقامة في الشيراتون، مع العلم اني مواظب على السفر للاسكندرية سنويا في الشتاء (ديسمبر/يناير) من سنين طويلة، كانت وجهتي المفضلة TOLIP بس للأسف اسعاره بقت مش في المتناول، فقررت اجرب شيراتون، اعتقد هاضطر للمقارنة اغلب الوقت بين الاتنين بحكم طول الاقامات السابقة في TOLIP.
الفندق جيد، او اعلى من الجيد قليلا، الغرفة جيدة، مستوى النظافة والخدمة والاستجابة للنواقص او الاضافات المطلوبة للغرف جيدة الى جيدة جدا، كنت ابلغتهم قبل الحضور بوجود مناسبة عيد ميلاد فحضرولي تورتة زي ماطلبت، الاطلالة ع البحر في البرج اليمين (الفندق من برجين) بتبقى افضل كلما ارتفع الطابق (مرفق صور) يمكنك من رؤية البحر (جزئيا) مع المنتزه نفسه، المطعم مش متنوع جدا بس اجمالا لطيف والكمية مع الطعم والتونع معقول مش جامد اوي ولا تعبان اوي، المكان نفسه (المطعم اقصد) معجبنيش حسيته مظلم ومش مبهج.
الاسانسيرات جميلة لانها كلاسيك (قديمة من اللي ممكن تشوفها في افلام الخمسينات) مع وجود التحديثا الضرورية.
الغرف مش ضيقة للدرجة اللي قريتها ف الريفيوو بتاع الناس، معقولة والتأثيث مش قديم بالعكس.
الحمام كويس ولو ان المشكلة في الصيانة لحاجات بسيطة لو اتعملت قبل النزيل مايشتكي منها صورة الفندق هاتختلف، مش معقول تستنى النزيل يفكرك بمشكة في السباكة ومشكلة في السخان ومشكلة في قفل الباب ومشكلة في الشاشة ومشكلة في الريموت، صحيح الاستجابة بتبقى سريعة وفي (الاغلب) مرضية بس ليه تستنى اما اشتكي وليه تضيع وقت من اجازتي (القصيرة اصلا).
ايه تاني؟ استقبال الفندق من الداخل صغير جدا والباركينج كبير بما يكفي لاستيعاب النزلاء وغيرهم، الموظفين في الاستقبال مؤهلين ومحترمين، في المطعم عدد الموظفين محتاج زيادة، مجربتش الجيم ولا حمام السباحة كان شغال وقت اقامتي، مستوى النظافة العام جيد/جيد جدا.
المشكلة اللي لاحظتها ومالقيتهاش في اماكن تانية (بالكثافة دي) هي تكالب العمال والامن على البقشيش، خصوصا وقت المغادرة وخصوصا جدا من الامن (التابع للفندق والتابع للشرطة على السواء) وبتوع الباركينج، ياريت التنبيه على النقطة دي في التعامل لأنهم كانوا اشبه بالمتسولين حتى في استخدام كلمات الاستعطاف من نوع (كل سنة وانت طيب/توصلوا بالسلامة)، التلميحات دي لقيتها من بتوع نظافة الغرف بس للأمانة بدرجة اقل بكتييييييير وبدون الحاح او ازعاج.
منظر البحر من الادوار العليا لا يعادله شئ في الاسكندرية، صحيح هو مش بانوراما (ماتقدرش تشوف البحر بصورة كاملة) زي لمرفق في الصور لكنه مُرضي جدا جدا.
اكيد في حاجات نسيتها مع الوقت.
احمد

فندق محترم ولكن اقل مستوي من فنادق الشيراتون فطار غير متنوع اطلاقا غرفه نظيفه ومرتبه ولكن صوت الهواء كان فظيع والبلكونه غير محكمه الغلق ولكن الفيو اكثر من رائع ومشكله البحر يجب ان نعير الشارع ويجب تيسير نفق او كبري علوي