الموظفين منفسين
سعر التذكره المرتفع بالنسبه للالعاب الموجوده تعتبر غاليه

تشتري تذكره الدخول السريع مامنها فايده بكل الاحوال بتنطر

التنظيم ضعيف والموظفين دفشين جنك داش حرب وياهم مافي مقارنه بينهم وبين مدن ليجو لانند ودبي بارك اند ديزرت او ورنر بررذر في ابوظبي

كل شي ممنوع تصوير ممنوع اكل ممنوع كاميرات ممنوعه يعني صراحه مضيعه للوقت

عدد الالعاب قلللللللييييله جدااا بالنسبه لسعر التذكره
ومقارنه بباقي مدن الترفيهيه المشابهه لها سواء دبي او ابوظبي

المطاعم زفت
الكافيهات واسعار الشرب والماي غاليه

نص الالعاب ماتشتغل بالوقت
كل لعبه تنطر على ماتفتح ساعه او نص ساعه
يعني مرات تروح تكمل لعب وتوجع مره ثانيه على اللعبه يقولك للحين مافتحناها انطر نص ساعه

يعني المدينه تخلصها بساعتين
بس بسبب توقيت العروض بتقعد ٦ ساعات
تنطر الالعاب متى تفتح

يعني الى رايح الصبح شنو ذنبه ينطر لي العصر عشان يفتحون له اللعبه وخاصه معاك يهال بسلعبون هالشي بيخلي اليهال يزهقون ويبون يطلعون بره واهما مالعبو شي

كل مانسال الموظفين يقول للحين مافي ناس مانقدر نفتحلك اللعبه او العدد مو كافي

وانا شنو ذنبي انطر يصير العصر عشان حضرتهم يفتحون لعبه معينه

اروح مبجر عشان استانس مع عيالي ويكون مكان عالاقل فاضي ينطروني لي العصر عشان اكون بالزحمه مع الناس الى توهم واصله

مكان فاشل فاشل فاشل
اول واخر مره اروح