هو من الاماكن المميزه والمتخصصه في تقديم المخبوزات اليابانيه ويقدم الجابانيز جيزكيك الذي انصح بتجربته

حنروح نفطر في مطعم ياباني بيعمل مخبوزات ،، ده كان اقتراح صاحبي للفطار في مطعم في دبي .. طبعا اندهشت جدا لان معظم الاماكن المشهورة للمخبوزات اوروبية (فرنسية او ايطالية) .. ولكن صاحبي قالي تعالي و لن تندم :)

وصلنا المحل و دخلنا لقينا قدامنا معروض كل منتجات المحل و علي جنب صينية و معلقة تحط بيها بنفسك الحاجات اللي عايز تاكلها .. طبعا فكرة ذكية (وخبيثة نوعا ما) لانها بتخليك تحط في الصينية كل اللي عايز تجربه من غير متاخد بالك انك مليت الصينية بما لذ و طاب

اليابانيين لما بيعملوا اي حاجة بيهزوش فيها .. جودة المكونات و المخبوزات تفوق اي مخبوزات فرنسية دقتها قبل كده .. و يميزهم ان اغلب منتاجهم طرية عكس المخبوزات الناشفة في المدرسة الاوروبية

المشروبات معقولة و ان كانت مش بتميز المخبوزات ..

العاملين في المطعم حرفيين و ان كانوا الي حد ما مش ودوين علي غير عادة دبي

المحل لازم يكون من اولويات اي زائر اكيل لدبي