يقع فندق إنتركونتننتال فيستيفال سيتي ذو الخمسة نجوم بقرب فيستيفال سيتي مول، ويمكن الوصول للمول من خلاله، كما يطل على البحيرة و النافورة الراقصة؛ يعتبر بعيد عن وسط دبي وأقرب للمطار، ويمكن الوصول له بالتكسي فقط حيث ليس بقربة محطة قطار.

الشيك ان عندهم جدا بطيء صح لان اجازة وضغط بس المفروض يكونوا جاهزين لهذا الشي وانا من شهر تقريبا حاجزة وكاتبه بالطلب ان اريد بنفس الطابق مع الاهل بس للاسف ماشافوا الطلب ولا شي وماعندهم الاولوية للي يحجز مبكرا ، وانا حاجزة جناح بغرفتي نوم يعني 4 اشخاص يعطيني بطاقتين للجناح كيف ولما كلمته ان ابى زيادة 2 او وحدة يعني التوتل 3 او 4 يقولي ماعندنا وخلصوا ليش انا وين حاجزة بفندق 5 نجوم الصراحة الموظف اللي عند الاستقبال حسيته مب متعاون ، كنت حاجزة جناح وغرفة ديلوكس ، الجناح مااشاء الله حلو اما الغرفة معاناة فيها تخيلوا الجناح بالطابق 29 وغرفة اهلي 18 وكانت وسخة ومب نظيفة ولا المكيف ولا الفون ولا الستارة تشتغل وبعد محاولات واتصالات للوبي غيروها للطابق 10 وعشان يطلعوا للطابق 29 لازم يوقفوا بالطابق 4 عشان تغيير الاصنصير ويطلعوا لفوق مافي دايركت، وعشان تطلب شي للغرفة ياخذوا وقت وعدة محاولات اتصال عشان يوصلوا لعندك

لو تقارن بين الفندق والرزيدنس يوجد فرق من بينهم الفندق الحلو فيه ان من داخل تروح للمول دايركت وصح ان الباب من بعد الساعه 12 ليلا يتسكر وتروح من البوابة الرئيسية اما الرزيدنس بعيد ولازم بسيارة عشان تروح للمول، الجناح كبير حلو غرفتين وصالة و3 حمامات واسع ومطل على البحر جميل ويصلح لاكثر من 4 اشخاص