من يومين قبل وصولي ابلغت الفندق بطلب للكيكة لعيدميلاد اختي واخذوا بطلبي وعند وصولي للفندق اول شي انصدمت ان الفندق غير عن الشقق ، الفندق بجانب كراون بلازا ومشي للمول اما الشقق من الجانب الاخر ويحتاج سيارة للمول
ثاني شي عملت الشيك ان وكل شي كان سهل والحمدلله واخبروني ان الكيكة جاهزة بالثلاجة وبنوديها لحين للغرفة قبل طلعوكم فوق قلتله اوكيك تمام وعند طلوعي للغرفة لم اجد اي شي اتصلت فيهم كل شخص يرد علي واهو مب عارف شو الطلب ولا شي ولا كانه اللي باللوبي تحت قالي جاهزة لما اتصلت للمرة الرابعة فيهم اونه لحين بنجهزلج ياها وبنبعتها لج كيف هالتصرف مااعرف وياليت الكيكة لذيذة ولا فيها اي لذة بعد طول هالانتظار اخر شي لااحتلفنا ولا شي والكيكة خليتها بالثلاجة مااستفدت شي
بعد ذلك طلبنا السيارة اللي قالوا ممكن نوصلكم مجانا للمول طبعا في هذا الفندق اذا في شي مجاني مستحيل يوفروه بسرعه طلبنا السيارة وتقريبا اخذ نص ساعه لين ماوصلت السيارة واهم اخبروني بين 5 الى 10 دقايق بتكون السيارة عندي

واذا بركتني عندهم اول يوم خلوا سيارتي فوق وبالحر وثاني يوم نزلوها تحت فالباركنات بس لما تطلبينها تاخذ وقت لين ماتوصل

يرجى تحسين الخدمة

الفندق جيد ويقع بالقرب من دبي فيستفال سيتي، حجزت شقة بغرفتين وصالة ومطبخ، تتوفر فيه جميع المعدات، الا ان الاطلالة متواضعة، يعيب الفندق بانه في منطقة لا يوجد بها اي خدمات ، وستحتاج للتنقل بالسيارة او التاكسي للوصول الى المناطق السياحية ،الشقة واسعة ونظيفة ومناسبة للاقامات الطويلة حيث ستشعر بانك في منزلك.

خدمة فوق المستوى
اطلاله على الخور
خدمات الباص الترددية على الفيستيفال مول
استقبال راقي
طاقم الهاوس كيبنق محترف
المسبح داخلي ودافيء في الشتاء
يوجد سوبرماركت وكوفي شوب في نفس المبنى

ملاحظة: الفندق بالمجمل هاديء والغرف راقية ومكتملة التجهيزات