اكتر مايميز الفندق رؤية البحر والفيو رائع
والشو الترفيهى ممتاز شباب الانيميشن اكثر من رائعين معاملة جيدة مع النزلاء بجد انبسطنا ومادينا الاقامه بسبب الانيميشن
المديرين بالمكان محترمين جدا وبيوفرو كل الراحه للنزلاء
المطعم والاسطف كلة ممتازين

الفندق جيد مساحته ممتازة به ملاعب الأطفال وأكثر من مسبح الشاطىء جيد موظفين جيدين الطعام ممتاز خاصة العشاء اكثر من فاخر به أنشطة ليلا كل يوم جيد للعاءلة اقمت شاليه مواجه للبحر الفيو ساحر مساحة الشاليه جيد

أسواء مكان روحته . لدرجة انى كنت حاجز يومين مشيت اول يوم بليل . بداية من دخول الغرفة الضيقة جدا . التكييف صوته عالى جدا و مزعج و بعد الدخول ب ١٠ دقائق واحد يخبط ماسك جردل بوية يقولى فى ترميم فى الحمام و بعده ب ١٠ دقائق بتاع خدمة الغرف يخبط و شغل كل سنة و انت طيب و الجو ده عشان عايز اى فلوس و الملايات متسخة و كأنها لم تبدل من النزلاء السابقين . ووجود مروحة سقف عليها كمية تراب . و الخزنة الموجودة بايظة . سيفون الحمام بايظ و بيعلق . و بالنسبة للعشاء البوفيه المفتوح . تفاجات أن سعر البوفيه لا يشمل المشروبات بمعنى انك تدفع ال٣٠٠ جنيه تأكل بس و لو شربت مياه أو بيبسى مع الاكل يضاف على الحساب و الاطباق الرئيسيه هى فقط حوالى ٤ أو ٥ انواع فقط و الاكل سيء فالسمك مثلا عبارة عن سمك بلطى مقلى و ناشف كانه مقلى من فترة و الحلو سىء جدا جدا . يكفى انهم عاملين ام على بالماء و ليس باللبن هو اصلا كام صنف حلو شرقى و قطع مانجو مستوية جدا و جوافة و عنب و بطيخ ليس له طعم . اما الموقف الذى حدث و جعلنى اترك الفندق على الفور عند مرور صديق لى خارج الفندق و داخل يسلم على فقط فى اللوبى. يظهر لى شخص من الريسيبشن بيقولوا عليه مدير معرفش ايه اسمه خالد .يقولى اى حد يعدى باب الفندق هيدفع منيمم تشارج ٢٥٠ جنيه و ذلك قبل دخول صديقى بدقيقه هو و زوجته رغم أنه لم يستغرق فى مكان سوى ٢٠ دقيقة و بعد مشاده معه قالى طب ٢٠٠ و كاننا فى العتبة مش فندق ٥ نجوم . و بعد أن انصرف صديقى تركت الفندق على الفور و طبعا أخذوا ٤٣٠٠ جنيه ثمن الليلة كاملة و لكنى فضلت الذهاب لمنزلى افضل من البقاء فى ذلك المكان الذى لا يرتقى لفندق ٣ نجوم حتى و الله على ما اقول شهيد لذلك لا انصح احد يريد الراحة و الاستجمام الذهاب لهذا المكان و دفع آلاف الجنيهات به