اسوا تجربه في حياتي , المكان مليء بالحشرات و الصراصير, مفيش نضافه نهائي, الصراصير بتجري فالمطعم و الموضوع بشع , ععملت فيهم محضر فالقسم, راحوا مغيرنلي الغرفه , غير حاصل علي نجوم سياحيه اصلا , الفرش من اسؤا ما يمكن, لازم تجيب حاجتك معاك, التلاجه فالغرفه مليئه بالصراصير, و القريه الناس بتدخلها ب 20 جنيه فالمستوى صعب جدا , و اصوات البمب و الصواريخ طول الليل و الامن مش بيعمل اي حاجه

اسوء مكان ممكن تقضى فيه اجازة فى حيانك الخدمة سيئه جدا و الاسعار غاليه عالفاضى
حجزنا شقة المفروض انها نظيفه لكن فوجئنا بالصراصير فى كل مكان حتى فى التلاجة عندما طلبنا تغيرها جاء شاب معاه انبوب رش و بقت الصراصير تجرى فى كل مكان و الراجل قاعد يموت فيها بايده و الله و الفرش بتاع السراير فعلا قذر
كمان عشان تروح للبحر فى باب من القريه يوصل للبحر و ساعات بيكون مقفول و لو كان قفل و انت راجع ن البحر لازم تمشى مشوار تطلع بره للشارع تدخل من الباب الرئيسى بالمايوه و ملابس البحر الرمل بجد شىء سيىء جدا
المطعم بقى حدث و لا حرج اكل سىء جدا خدمة اسوا و ناس لا تفهم فى الاصول او الذوق
السعر غالى جدا جدا عالفاضى و حمام السباحه مش نظيف
المكان فعلا اكتشقت انه مش بيروحه غير اهل برسعيد لما مش بيلاقوا مكان تانى ف البلد فاضى او بعض الشركات ال بتحجز للموظفين بتوعها غير كده يبقى حظه وحش اللى يروح هناك
ده غير مكان لعب الاطفال اللى غير امن تماما للاطفال انهم يلعبوا فيه عموما كانت مرة و بجد مش هتتكرر تانى