شكراً لجميع العاملين بالمطعم مستر أمير ومستر عبد النبى وشكر خاص ل ومستر سعيد سعد والشيف ايهاب الدالى وارينا مديرة العلاقات ومستر عمرو فهيم ومستر ابراهيم عاشور على التواصل معنا باستمرار لتلبية جميع طلباتنا خلال الاقامهالمزيد
Priceline
Booking.com
اتباع إجراءات سلامة
Hotels.comاتباع إجراءات سلامة
أحلى رحلة طلعناها الحمدلله
فندق تيرانا دهب .. فندق فى منتهى الجمال .. الناس كلها بلا إستثناء ودودة جدا جدا و الإبتسامة على وشهم فى كل مكان .. سرعة الإستجابة لأى طلب مذهلة فعلا .. الغرف جميلة و نضيفة و مرتبة .. البحر هااايل و الشاطيء جميل جدا .. تيم البسين و الحماية عليه فى منتهى الإحترام و شايفين شغلهم حلو أوى .. تيم لطيف و متعاون مستر وسام و مستر محمد .. و مستر سيد السيكورتى و الخاص بتأمين العجل .. و الريسبشن مستر إسلام متعاون جدا .. احنا حسينا اننا فى وسط أهلنا و بيتنا و مفيش أى حاجة ضايقتنا .. صادقنا الناس هناك و عرفنا اساميهم من كتر ما حبناهم .. مش متذكرة كل الأسامى بس الحقيقى كله شايف شغله و خصوصا تأمين البحر و البسين .. و الأكل فى المطعم متوفر و طعمه لطيف و فى إهتمام بالنضافة الدائمة و نضافة الغرف هايلة .. الأنيمشن محتاج عروض يومية أكتر تبقى للكبار فقرات ترفيهية و كمان فقرات تسلية للأطفال ألعاب و شو مخصوص ليهم .. الخلاصة الحمد لله كلنا أنبسطنا جداااا كبار و أطفال و بنصح أى حد بزيارة المكان .. لانه فعلا رائع و خصوصا الموقع البحر و الجبل حاجة تحفة مع بعض
شكرا تيرانا ريزورت لحسن الإستضافة و الرحلة الجميلة اللى قضيناها عندكم ❤️❤️❤️
مهندسة رشا
مهندسة رشا ,نحن نشكرك على الوقت الذي قضيته في إخبارنا بتجربتك في تيرانا دهب. انه من دواعي سرورنا أن اخبرتنا بانك استمتعت بالاقامة معنا . وسوف نشارك التعليقات مع فريق العمل لدينا. نحنا متأكدون من أن هذه التعليقات ستكون بمثابة تشجيع لجميع موظفينا حيث نسعى جاهدين لتحسين جودة خدماتنا باستمرار. نشكرك مرة أخرى على مشاركة تجربتك ، ونأمل أن تكون زيارتك القادمة ممتعة مثل الزيارة السابقة مع خالص تحياتنا
دي المه السادسه اروح الفندق .. احسن فيو في دهب تيرانا .. بيعجبني من اول تصميم المباني وشكلها الاكل لطيف جدا بصراحه انا بنصح اي حد يروح دهب يروح تيرانا اللي خلاني بقي المره دي اكتب ريفيو اني توقعت بعد الكورونا هروح الاقي جزء كبير من الاستف القديم مش موجود انما لقيت اغلب الاستف زي ماهوا والفندق حافظ علي الفريق بتاعه رغم ظروف كورونا ولقيت الجميل وسام اللي دايما بيرحب بينا وبيفضل فاكر الريجيولار جيست .
Dear Guest
I would like to thank you for taking the time to share your comments regarding your stay at Tirana Dahab Resort
When we receive feedback from our guests such as yourself, we take it very seriously as it allows us to evaluate our services and facilities in order to ensure that the standards and reputation of Resort is maintained.
We are waiting to welcome you in our hotel and will do our best to make your holiday memorable.
With warm regards,
فندي رائع ودي تاني مره ليا اقيم فيه اول مره كنت بقضيhoneymoon وكانت غرفة مميزه جدا جدا
والمره الثانيه غرفه من الاستايل العادي ولكن كانت جميلة ايضا وسبب تواجدي مره اخر النظافة والاستقبال والاكل
احب اشكر ابراهيم لاشين من housekeeping team
راجل محترم وخفيف الحركه وبينضف الغرفة في وقت قصير وسريع وبتكون نظيفه جدا وبيعقمها اتعملت مع ابراهيم في الاجازه الثانيه والاولي كان بندق مش فكره اسمه الحقيقي
و F&B الاكل كويس جدا
لكن محديش بيسال الجيست اخبار الاكل اي او الاقامه
والشيفات وادوديين ومحترمين جدا وكلهم فكريني واميرة حد محترم جدا ورائعه❤️
Highly recommended
Sunny greetings from Tirana Dahab Resort!
On behalf of our entire team we would like to thank you for your review and for making us your choice hotel when visiting the area
All your kind comments will be shared to our team as they are working hard to ensure our guests have a wonderful time in our hotel.
We are looking forward to welcoming you back in the near future.
With warm regards,
اولا : كنا حاجزين غرفة سى فيو سوبريور
Check in 12:00 pm to 2:00 pm
وصلنا الساعة ٢ ونص الظهر الفندق ومضينا ع ورقة الاستلام واخذنا المفتاح
ثانيا : نوصل الغرفة نلاقى الغرفة مش مهيئة ولا نظافة ولا ترتيب ولا اى حاجة و دة موجود ف الصور طبعا.. نتكلم عايزين نظافة ازاى الغرفة مش نظيفة والملايات مش متغيرة احنا جايين تعبانين من السفر.. الرد كان معلش هتتنظف حالا دى متنظفة امبارح اصل الجو تراب
انا فضلت واقفة مع room service عشان ينظفها وطبعا بقى كل شوية يقولى خلصت اقوله ازاى هنا فى تراب وهكذا لحد الساعة ٤ ونص عشان نستلم الغرفة وطبعا الفترة دى زوجى نزل الريسيبشن عمل مشكلة وكان عايز يعمل check out
الرد كان.. لا يافندم انت ترجع للشركة حضرتك مش حاجز من عندى كلم الشركة و بعد نصف ساعة الشركة رجعت اتصلت باعتذرات وكلام جميل وان حد من إدارة الفندق هيطلع حالا لحضرتك و استلمنا الغرفة الساعة ٤ ونص العصر
ثالثا : غير الستاير القديمة جدا والفوطة مقطوعة وتم تغييرها
رابعا : المطعم الاكل سئ للغاية مفيش تنوع كل يوم نفس الأصناف تقريبا وفى اكل بايت من امبارح و لو نزلت نص ساعة أو ساعة متأخر من افتتاح البوفيه تلاقى حاجات خلصت والرد معلش كان طلب عليها كتير
خامسا : الساعة ٧ مساءا الدش ف الحمام بايظ نكلم الريسيبشن وبعت صيانة معرفش يصلحه وقال فى أدوات مش معايا دلوقتى ولازم الخلاط كله يتغير هاجى لحضرتك بكرة الصبح معلش وهقعد ساعة ونص او ساعتين ف الصيانة
زوجى قاله معلش احنا بليل من ٨ ل ١٢ هنكون برة ممكن تيجى تصلحه او بكرة الصبح من ١١ ل ٤ هنكون ف رحلة لكن بدرى هنكون نايمين
الرد.. تمام يا فندم هاجى لحضرتك بكرة الصبح
سادسا : الدش ميتصلحش لحد اخر يوم وكل يوم حاضر حاضر
و اخر يوم نصحى الصبح نلاقى نمل ف الأوضة والدولاب وع السرير
كلمنا الريسيبشن.. الرد كان حضرتك خلاص كام ساعة وتعمل check out ولما زوجى شد معاهم جامد حاضر حاضر ومفيش اى استجابة
طبعا انقذنا ما يمكن انقاذه وقفلنا الشنط بسرعة ونزلنا روحنا رحلة
ورجعنا نزلنا نعمل check out الساعة حوالى ٤ ونص او ٥ المغرب
الريسيبشن : حضرتك فى رسوم زيادة ٥٠٠ جنيه المفروض تمشوا الساعة ١٢
زوجى : حضرتك احنا حاجزين باكيدج شهر عسل يعنى check in بدرى وال check out متأخر
الريسيبشن : بس حضرتك متجوز من ٣ سنين يعنى دة مش شهر عسل
زوجى : طب وانت مالك انا معايا voucher من الشركة ان احنا شهر عسل وكان لينا تورتة المفروض تطلع لينا ومجتش
الريسيبشن : وانا اعرف منين ال voucher دة من الشركة اى حد ممكن يطبع اى ورقة وخلاص وممكن تكون الشركة قالت كدة وخلاص تاخد منكوا فلوس وبتضحك عليكوا
زوجى : قاله ابقى خد ال ٥٠٠ جنيه من الشركة
الريسيبشن : انا ماليش دعوة بالشركة انتوا اللى قدامى وموجودين
كلمنا الشركة و زوجى عمل مشكلة
الريسيبشن قاله : خلاص هنعمل خصم ونخليهم ٣٠٠
ساعتها كلمنا الشركة تانى وقلنا عايزين الإدارة بقى و تعويض لكل حاجة حصلت لينا ال ٤ ايام
استلام غرف متأخر - عدم نظافة - و.............
الريسيبشن : مفيش حد من الإدارة دلوقتى ومفيش اى حاجة من اللى بتقولوها صح انتوا استلمتوا ف ميعادكوا ومضيتوا ورقة استلام الغرفة والغرفة كانت نظيفة تماما
قولنا تمام معانا صور لكل حاجة
ضحك وقال لو فى صور ابعتيهالى وبالفعل زوجى بعتهاله
ساعتها سكت وقال طب حضراتكوا تقدروا تتفضلوا وال ٤ ساعات الزيادة هدية من الفندق ليكوا يا دكاترة ومتأسفين جدا
والشركة كانت متابعة معانا بصراحة كل حاجة لحد ما خرجنا وقدمت اعتذارات كتير
فين التعقييييييم!!!!
للأسف مش عارفة أضيف الصور عشان مش مسموح باكتر من ٥ ميجا
ضيفنا العزيز
اطيب التحيات من منتجع تيرانا دهب
أولا وقبل كل شيء نحن آسفون جدا أن تجربة العطلة الخاص بكم لم تكن كما كنتم تتوقعون ونحن لا نزال نقدر كل التعليقات ، السلبية أو إلايجابية ونحن نهتم بالأمر وناخذه على محمل الجد لأنه يسمح لنا بتقييم خدماتنا ومرافقنا من أجل ضمان الحفاظ على معايير وسمعة الفندق. . ويرجى الملاحظة أنني ناقشت هذه المسألة مع رؤساء الاقسام المعنين ، وأود أن أؤكد لكم أنه قد تم اتخاذ إجراءات فورية لضمان عدم تكرار ذلك.
فقط نريد ان ننوه أولا ان الفندق لا يقوم ببيع (باكيدج شهر عسل ) نحن نعطي هذه الميزة مجانا للنزلاء حديثي الزواج بالتاريخ المثبت في وثيقة الزواج دون اي زيادة علي سعر الغرفة . ثانيا تم عرض تغير الغرفة لغرفة اخري والذي تم رفضه من قبلكم .ثالثا ميعاد المغادرة من الفندق كما تفضلتم يكون الساعة 12:00 ظهرا وتم اخلاء الغرفة من طرفكم الساعة السادسة مساءا دون تنسيق مسبق مع الاستقبال والذي يقدر ب خمسمائة جنيه تم عمل مغادرة متاخرة لكم مجانا لارضاكم
نحن نتطلع إلى الترحيب بكم مرة أخرى وسوف نبذل قصارى جهدنا لجعل اقامتكم اقامة متميزة
الفندق اولاً قريب من كل حاجه
البحر رملي ونضيف نضافه ماشوفتهاش ف مصر كلها
البول واسع وكبير ونضيف
الخدمه ممتازه وسريعه جداً جداً
خدمه الغرف نضيف اوي ومستجيبه لطلباتنا دايماً
الاسعار مناسبه
البوفيه كل يوم اكل جديد وطعمه وهمي
حرفياً مش هبطل اجي هنا ♥️♥️♥️♥️
ضيفنا العزيز
اطيب التحيات من منتجع تيرانا دهب
نيابة عن فريق العمل بأكمله نود أن نشكركم على اختاركم فندق تيرانا دهب
سوف تتم مشاركة كل تعليقاتكم لفريقنا لأنهم يعملون بجد لضمان ان ضيوفنا يقضون وقتا رائعا
ونحن نتطلع إلى الترحيب بكم مرة أخرى في المستقبل القريب
مع تحياتي
أحمد الصاوي
مدير المكاتب الامامية
