من افضل المطاعم بجد فى دهب مكان عائلى و شبابى و كل حاجه فى زى الفل و فى كمان جميع المأكولات شرقيه وغربيه

كنا في طريقنا لمطعم اخر جربناه في اليوم السابق عندما تم استدرجنا حرفيا لمطعم ال كابوني ...كان منظر العيش الطازج بالفعل مغري فقررنا تغيير مكان الغداء على امل ان الاكل يكون على نفس المستوى مع وعد بتقديم السلطه والشاي وخصم 20% على اي طلب من المنيو...طلبنا 2ميكس جريل وباستا بالاستاكوزا....اول قطعه لحم كانت مليئة بالدم وماكنتش عارفه اقطعها فطلبت تغييرها وبالفعل تم تغييرها بقطعتين وده كان كرم زائد منهم..لكن للاسف القطعتين كانوا من اسوا انواع اللحوم اللي دقتها في حياتي ..طعم بشع وغير قابله للتقطيع او المضغ..اشتكيت فتم سحبها من المائده بدون اي كلمة اعتذار ...كمية الباستا مقارنة بالسعر اللي كان 129 جنيه لاترقى لوجبه ب50 جنيه في اي مطعم مجاور..جاء وقت طلب الشيك ولاقيناهم حاسبين الميكس جريل البشع المكون من ربع فرخه و2 كفته وقطعتين لحم ب 129قبل خصم ال20% رغم انهم كانوا قايلين ان المكس جريل عرض اليوم ب50او60حسب الكميه ولما واجهناهم قالو انهم يقصدوا الفراخ والكفته يعني قطعتين اللحم الفاسد اللي قدموه حاسبينه ب70جنيه ...بعد مجادله وكلام كتير ولف ودوران تم استدعاء صاحب المحل وعمل خصم 60 جنيه على اجمالي الفاتوره اللي كانت ب 310ومشينا بعد تجربه سيئة مش هنساها

قضينا وقت ممتع كانت الخدمه ممتازة مع ابتسامه جميله من stuff ومزيكا مميزه رائعه
المقبلات كانت مميزة جدا وبالاخص البروشكاتا
واكلنا سمك مرجان طازج روعه وجمبري مشوي متبل بتتبيلتهم الخاصه الخياليه وكاليماري اتمنى ان اعود الان