من حوالي شهر نزلت بوست عالفيسبوك بسال عن مركز غوص فدهب عشان عايز بنتي (١١سنه) تاخد open water و ناس كتير جدا مشكورين رشحوا مراكز كتير جدا.
تواصلت مع بعض المراكز و استقريت على slydive
تواصلت مع كابتن محمد حجازي و اتفقنا عالمواعيد و بدانا يوم ٦ اكتوبر.
صراحة مكنتش متوقع ان البنت ممكن فيوم تقلع الماسك تحت المايه او تعوم ١٥ متر من غير ماسك او تقلع العده و تلبسها تاني تحت المايه.
و هنا احب اوجه ليهم كل الشكر على التجربه الجميله دي و التعامل المحترم جدا جدا جدا من الجميع.
كابتن حجازي
كابتن غوابي
كابتن حسام اللي قدر يتعامل مع خديجه بشكل ممتاز جدا و طولة باله عليها مع اعادة كل مهاره مره و اتنين و تلاته لحد ما تعملها بالشكل المظبوط زي ما هو عايز.
شكرا عالمجهود المبذول و الايام اللي قضيناها فالمايه من ٩ صباحا ل٥ العصر عشان نوصل للمستوى ده.
شكرا كابتن غوابي على التعامل الاحترافي مع بنتي الصغيره (٨ سنوات) اللي عملت bubble maker و اد ايه حببها فالغطس و كانت زعلانه اننا راجعين القاهره.

بكرر شكري على التجربه الاستثنائيه دي و نشوفكو قريب على خير باذن الله.

A magnificent experience for my daughter’s open water course. Instructors are so professional and helpful.
My daughter 11Y got her open water licence after successfull training with Captain Ghawaby and Captain Hossam who were so friendly and professional.
Many thanks to Slydive and Captain Hejazi.
Hope to see u all soon.

تجربتي مع مركز سلاي
انا عايشه في دهب وبجد اول مره افكر اعمل ريفيو لمكان
وده لأني انبسطت جدا الصراحه
اولا احب اقولكم أن انا عندي ١٣ سنه وغطست في ٤ اماكن غطس قبل كده من ضمنهم السنتر اللي انا اخدت معاه الاوبن ووتر وكلهم كان مش حلوين ومتبسطتش خالص
كلهم كانو غير منظمين وكنت بحس أن الناس عاوزه تخلص وخلاص أما مع المركز ده كان الموضوع مختلف خالص ، اولا المكان نضيف جدا ومرتب والناس كويسه جدا وكلهم كانو بيساعدوني ، ثانيا اتعاملوا معايا كحد كبير والغطسه كانت ٥٥ دقيقه مش ٣٠ دقيقه ولا ٤٠ دقيقه ولا ٢٠ دقيقه زي ما حصل معايا قبل كده خالص
انا اتبسطت معاهم جدا ورحت مكان اول مره اغطس فيه ، كمان سابوني براحتي خالص وكانو كل شويه يتطمنوا عليا ولما خلصت رجعت معاهم السنتر ونضفت العده بتاعتي وبدءو يسألوني ويعلموني حاجات ، حقيقي كنت حاسه ان انا في مكاني
بجد شكراً جدا لكل الناس هناك و انا ان شاء الله هغطس معاكم كتير و انصح اى حد عايز يستمتع بالغطس فعلا يروح المركز دا❤️

أنا سافرت رحلات غطس كتير جوه مصر، أبدًا ماشوفتش تنظيم بالشكل ده و اهتمام بكل التفاصيل الصغيرة قبل الكبيرة.
كانت اول مرة اشوف رحلة بحرية لطابا طالعة من دهب او من اي مكان بصراحة ما سمعتش عن رحلات غطس في طابا قبل كده، سافرت مخصوص من القاهرة لدهب عشان اطلع معاهم الرحلة دي و بجد من استمتاعي بالرحلة نسيت إرهاق السفر والتعب.
بعد ما ظبطت عدتي اليوم السابق للرحلة
وصلت الصبح بدري لاقيت كل حاجة متجهزة صناديق العدة كلها مرصوصة بتنظيم جنب بعض وكل صندوق محطوط عليه ورقة فيها اسم الغطاس واضح جدًا و الدولة اللي هو منها
ودي كانت حركة جديدة اول مرة اشوفها و رغم بساطتها لكن بسببها فكرة لخبطة العدد اتمحت تمامًا و سهلت جدًا تعارف الغطاسين ببعض.
الميكروباصات اللي هتنقلنا لطابا كانت ممتازة و مريحة جدًا كل ميكروباص فيه ٨ أشخاص فقط، المركب كانت لطيفة و الطاقم اللي عليها تعاملهم جميل و متعاونين جدًا.
ال briefings كانت سهلة وواضحة جدًا و تنفيذ الغطسات كان عالمي
الكائنات البحرية اللي شوفناها كتير جدًا و متنوعة ومش ممكن انسى ان اكبر سلحفاة بحرية شوفتها في غطس كانت هناك ضخمة جدًا ماشاءالله.
الأكل كان نضيف و جميل المدربين عالميين و تعاملهم جميل و بياخدوا بالهم من كل اللي في الرحلة بشكل شخصي يحسسك انهم اخواتك وأصدقائك
و العشا البدوي كان تحفة وختامها مسك فعلًا
و أكيد كل رحلاتي و غطسي معاهم من هنا و رايح