اوتيل معفن التكييف بايظ السرير بايظ الفرش معفن محدش بيحل مشاكلك تتصل عليهم محدش بيرد تجربة بشعه مش هتتكرر بصراحة غير انه دوشة جدا كأنك نايم في الشارع اى حد بيحب الهدوء الاوتيل ده مش الاختيار الامثل حتى الكافيه اللى مفروض علي البحر كافيه وحش جدااااا
حقيقي من اكتر الاماكن المريحة ف دهب
فيو تحفة وتفاصيل المكان مريحة بشكل مش طبيعي, الروم نظيفة, لوكيشن الاوتيل قريب من كل حاجة ,المطعم اللي ف الاوتيل القاعدة فيه تجنن بجد
ميرسي ليكو ع كل حاجة واكيد مش اخر مرة معاكو ♥️
يا راغب حابة اشكرك بس انت وحسن وجيمي وامين وكل الستاف علي ال كام يوم ال حلوين دول بجد كل حاجة كانت حلوه الاكل كان حلو جداا وال rooms كانت نظيفه والشباب كلهم محترمين وذوق ومتعاونين جداا انا مش اول مره اجي دهب بس فعلا دي اكتر مره اتبسطت فيها وكل الجروب ال كان طالع كلهم اتبسطوا جدا وكله بيشكر في الستاف فا بجد شكرا وربنا يوفقكوا دايما يارب😍♥️♥️
مكان لطيف والاستاف كلهم متعاونين وخصوصا الريسبشن والمطعم قعدته حلوه واكله نضيف و اسعاره عاليه الى حد ما
قريب من كل الخدمات والغرف معقوله بالنسبه للسعر و فى واى فاى فى كل مكان جوا الاوتيل
تجربه ممكن جدا اكررها
فندق نضيف وهادئ وخدمه غرف ممتازه واستقبال اكثر من رائع الاستاف كله متعاون جدااا والاسعار ممتازه كمان مطعمهم وفطارهم تحفه وتيم الرحلات ممتاز جدا عموما مكان مريح وناس مريحه واتبسطنا كتيييير
مش هتكون اخر مره اكيد.
