الانيميشن تيم ممتاز، خصوصا وليد ياقوت
المكان نظيف جدا
هدوء قاتل
مكان رائع
فريق العمل متعاون جدا وبشوش وراقي
الأنشطة في المكان ممتازة
البسين جيد
مناسب جدا للعائلات ومن يبحث عن الهدوء
متنوع الأنشطة

اسمحولي أكتب رأيي بالعربي لإن ولا لغة في الدنيا هتعبر عن مدى امتناني وسعادتي وراحتي بزيارتي .. حرفياً أنا وقعت في غرام الجونة ومكنتش هعشقها العشق ده كله لولا إني نزلت في مكان جميل عرف إزاي يرحب بيا ويحسسني إني في بيتي .. شيراتون ميرامار بقى بالنسبالي مش أوتيل قد ما هوا مكان هلجأله في كل مرة الدنيا تغلس عليا . ..انا قاعدة في اللوبي دلوقتي وفي انتظار عربيتيعشان نمشي وقلبي مش قادر يصدق إن الأربعة أيام خلصوا خلاص .. قد إيه المكان مريح جداً وجميل ونضيف وتحس بيه بروح العيلة والترحاب وقد إيه الناس هنا جميلة ومستعده دايماً لمساعدتك ودايماً مبتسمة وبتنقلك طاقة إجابية .. قد إيه تحس إنك في بيتك وإنك مرحب بيك في أي وقت وكل وقت .. قد إيه تحس إنك مميز .. الأوتيل رائع جداً وبكلام بروفيشنال وبعيد عن المشاعر الأوتيل منظم جداً وكل حاجه في مكانها أوي وكل منطقة أوتيل لوحدها .. كل حاجه مترابطة ببعضها ومتزهقش من المشي وسط الأوتيل لان كل ما هتبص هتحس إنك بتشوف لوحة فنية من تناسق الألوان ونظافته وترابط المياه مع الأشجار مع الجسور مع إبتسامه العاملين في الفندق .. المكان هادئ جداً ولو كان كل الفندق ساكن مستحيل تحس بزحمة، منطقة الحدايق عظيمة جداً وكبيرة وتحسسك بالسعادة، فريق الترفيه في الاوتيل رائع ودمه خفيف وبيقدر يتواصل مع الصغير والكبير، الخدمات في الفندق هايلة وطلبك كش بياخد عشر دقايق ويكون إتحقق بالرغم من كبر المكان وكترة نزلائه، فريق العمل مرحب جداً من أول الاستقبال لحد خدمة الغرف مروراً بعمال الفندق وشيفات المطاعم، الأكل كان متنوع جداً ومرتب ونضيف، قليل أوي أوي لما حاجه تعجبني بس الفندق ده عاجبني، كانت أول زياره ومش هتكون الاخيرة.

شكر خالص للجنود المجهولة في الفندق ده كريم واحمد وعلي والشاذلي والشيف محمد اسماعيل

كانت هذه الزياره الثانيه لمدينه الجونه ولحسن الحظ انها كانت في منتجع شيراتون ميرامار وحقا انه من الاماكن المتميزة جدا من حيث تعامل طاقم العمل مع الضيوف بكل ود وحب منذ وصولك وحتى المغادره و بذل كل الجهد لجعل الوقت الذي تقضيه هناك مميز....غرف الفندق على طراز قديم وهو ما يضيف الى المكان سحر خاص ... المطاعم متوفره وتقدم اشهى المأكولات مع عروض مميزه جدا بخصوص الاسعار .. هناك انشطه ترفيهيه مسائيه مسليه جدا حيث تجعلك لا ترغب في مغادره الفندق الى اي مكان ... ارجو فقط الاهتمام بالشاطئ حيث ان هناك صعوبه في نزول البحر لسوء ارضيه الشاطئ لذلك برجاء الاهتمام وتطوير حمامات السباحه حيث ان التركيز الاساسي عليها