تجربه لطيفه جدا مش بغير الاوتيل نظافه واهتمام الانيميش ولطيف ومسلي جدا الاداره متعاونه جدا الناس معاملتهم بشوشه كل حاجه متاحه وفي اكتيفيتي كتيره الاكوا حلوه البحر في الفندق المقابل قعدته حلوه حدا والانيميشن الصبح في امتيفيتي وبالليل شو متنوع كل يوم

موقع الفندق مميز جدا بالممشى السياحي. أجواءه شتوية هادئة لطيفة للاستجمام. التسكين والمغادرة سريع في ٥ دقائق، موظفات الاستقبال مميزين حابه أشكرهم. الغرفة فاميلي روم حلوة أوي ومميزة جدا وفيو لطيف والميني بار فيها لطيف؛ التلاجه كانت بتتملي يوميا. مشكلتي فقط كانت في السلم عشان معايا عربة أطفال مع قلة عدد الجزء المنزلق اللي
بيسهل حركة العربة فكنت بضطر اشيلها عالسلم او اني لازم استخدم المصعد والمسافة تطول. الأكل جودته ممتازة ولكن التنوع في الأصناف مش كتير في الغذاء والعشاء باستثناء وجبة الافطار كانت مميزة في الجودة والتنوع والطعم.من المميز أيضا الفطار والعشاء المتأخر. ماجربتش المطاعم الآلاكارت لانها بتشترط مدة اقامة معينه وإلا تكون بالرسوم بالاضافة لبعض المطاعم الموجودة في الأوبن اير سوق المتوفر فيه خدمات كتير. اما حمامات السباحة أغلبها فيها تدفئة باستثناء النهر البطيء كانت تجربته جميلة جدا ومميزة ولكن مع برد شهر يناير كان النهر بارد جدا جدا. وكانت تجربة أكوا الكبار والأطفال لطيفة. ماجربنا البحر لان الجو بارد لكن الشاطئ مميز جدا وجميل ومطعم الشاطئ جيد جدا ومكانه في منتجع الداو في الجهة المقابله لأكوا ماجيك. والأيس كريم ممتاز تنوع وطعم وجودة. الكيدز كلوب حلو جدا. السهرات الليلية مقبولة. الالمنتس مكان لطيف وفيه بلياردو جميل وشاهدنا مباراة هامة فيه ولكن تعليقي التهوية ليست جيدة وحدث موقف مش لطيف انه بعد انتهاء المباراة فوجئنا بغلق الباب والمطلوب خروجنا من باب الديسكو المجاور لخارج الفندق والدخول من الباب الرئيسي من الشارع في وقت متأخر ومعي أطفال؛ رغم ان كان ممكن يقفل باب الديسكو مش الالمنت وبلغت الاستقبال اثناء المغادرة واعتذروا. في المجمل تجربة لطيفة ممكن أكررها