احب اشكر جدا جدا مستر كيرولس مدير الرسبشن لانه عملي upgrade للغرفه بعد ما كانت حصلتلنا مشكله وقت التسكين ورحب بينا بكل مهنيه وذوق واحترام، كذلك بشكر جدا مستر أحمد مدير المطاعم علي تعاونه معانا واهتمامه بينا جدا طول فترة الاقامه. ايجابيات الاوتيل انه نضيف وشيك جدا، حبيت اللوبي اوي، ال lazy river كانت تجربه مختلفه ولطيفه، الغرفه كانت بتبص ع الممشي السياحي والحقيقه هو جميل جدا والتمشيه فيه بالليل حلوه اوي، بيتش الداو كمان رائع واللاند سكيب فيه تحفه، الخدمه في المطاعم والبارات ممتازه وكل العمال في الفندق بصراحه في منتهي الأدب والذوق، فيه فطار متأخر وكذلك للغدا والعشا يعني مغطيين اليوم كله، بيعملو دسكاونت للاي repeated guest ودي حاجه كويسه جدا طبعا. السلبيات بقي انه الاكل مش احسن حاجه، كذا مره ندوق اصناف نيه او ملحها زياده، والعصاير الفريش بفييز زياده، ال check in كان متأخر بالنسبالي عن اي فندق روحته قبل كده وبعض موظفين الرسبشن استقبالهم مكنش لطيف، كان عندي مشكله مع ديزاين الاوتيل ان حمامات السباحه كتيره جدا لدرجة انك متعرفش تمشي وانت مرتاح بسبب الكباري اللي معموله عشان تنقلك من جانب لجانب وده قلل طبعا من المساحات الخضره، الواي فاي عاملينه في الاماكن المغلقه فقط وده برضو اول مره يصادفني في الاوتيلات اللي روحتها، الغرف الاقتصاديه منصحش ابدا حد بيها، ومحتاجين يجددو من خدمات الغرف لانه حتي مش عاملين كارت لتنبيه الهاوس كيبنج بالتنضيف او عدم الازعاج ولا حتي زر كهربائي، لأ حاطين كيس غريب كده تعلقه ع الباب وده اول مره اشوفه في فندق.