الفندق زحمه جدا بنسبة إشغال ١٠٤ % لدرجة إنهم سكنوني في أسوأ غرفة في الفندق تقريبا لا منها بتبص عالبسين ولا عالجاردن حتى دي كانت بتبص على مباني تحت الإنشاء و طبعا حمامات السباحه كانت زحمة جدا لدرجة إننا كنا بنخبط في بعض من كتر الناس ولا كأننا في رأس البر ولا بلطيم وبرضه المطعم كان زحمه جدا لدرجة إننا كنا ساعات مش بنلاقي مكان نقعد فيه أصلا ده غير الطوابير اللي واقفه عالبوفيه الصراحه حاجه منتهى قلة القيمة...الأكل كان فيه تنوع و الكميات كتييره لكن طبعا ده كان على حساب الجودة لأن الأكل كان سيء...إستحاله يكون الفندق ده ٥ نجوم ده آخره ٤ نجوم أو ٣ كمان...الحاجه الوحيده اللي عجبتني في الفندق الأكوابارك...بس الصراحه كانت تجربة سيئة و عمري ما هفكر أكررها تاني

فندق اقل ما يقال عليه زباله عدد النزلاء غير مناسب لكل الخدمات
المطعم حرب طعام وعلشان تجيب بيضه تقف طابور طويل ساعتين اكل ف كل وجبه وجوده سيئه جداا ومش نظيف
عاملين قاعه لمين فيها المصريين كأنها انتخابات
الاكوا طابوووووور والعمال اللي شغالين عليها ف منتهي قله الزوق
والبحر طين ومش نظيف وحاطين مراجيح ع البيتش وأطفال وإزعاج
باختصار لو ببلاش مش هروح تاني المكان دا

رحله سعيده فندق محترم كميه المصريين كبيره ف الفندق 4.9.2019 الاكل معقول ومتنوع ومش حتحس بنقص ف الاكل انواع لحوم طيور وضانى ونعام بلنسبه للغرفه 1549 غرفه نضيفه ومساحتها واسعه الاكوا بارك غير الصور شويه بس معقوله ف المضمون معامله الاستف ممتازه ع غير التعليقات الى هتشوفها تحت انهم بيعاملو المصريين وحش مفيش الكلام ده فندق ف المجمل كويس حمامات السباحه كتير الشاطئ سيئ مشوفتش سمكه ف البحر