كنت في زياره أنا وعائلتي يوم الإثنين الماضي وغادرنا اليوم الخميس 9 يونيو
الفندق من حيث الاكوا وحمامات السباحة ممتاز واصطاف الايف جارد جيدين رغم صعوبه العمل لان معظم الاشغال مصريين والغرفه كويسه والنظافه ممتازه حتي في المناطق الخارجيه
ولكن
الشيفات سيئين للغايه في التعامل مع الجست المعظم علي نفس النهج في المعامله مع الجست يبقا حاطط قدامه رومي ويديك فراخ تستاذنه يديك رومي اكنك بتشحت ويبصلك ويبرقلك اكنك طلبت حاجه حرامه وبدل مديربن رايحين جايين والشيفات ولا في دماغهم فتعرف انه منهج متفق عليه واللي عنده فراج كارفن سايبها ويديك دبابيس بايته مش كارفن خالص وياويلك لو اتكلمت تلاقي نفخه تطيرك وطبعا الشكوي عندهم لامحال لها من الإعراب
شيف اللي واقف علي الصاني وهو حاطط لحمه اثيوبي او سوداني مش برازيلي كمان ويقولك ضاني أنت ونظرته ليك خد وانت ساكت
البوفيهات مفيش عليها بنزات أو معالق غرف يتاخد بايدك ياتمشي ولو طلبت يقولك ثقافه شعب خد معلقه الغرف اللي مفروض كبيره مستحيل حد ياخذها علي الترابيزه اللي مفيش عليها حاجه خالص حرفيا ولا حتي ملح وفلقل

شيف السناكس اللي واقف علي البوم فريت تقوله عايز طبق بطاطس واااااحد بس زوده بدون مبالغه بيزودلك بالوحده وتكلمه اصل هايقع منك والطبق نصفه فيه عشره وحدات وكلامه زفت ورده سي جدا لدرجةٍ اني شفته امبارح في العشاء شغال بره جنب الحواوشي مرضتش ارحله لسوء معاملته مش معايا بس لا دا مع كله وقدام بعض المديرين اللي واقفين ولا احد بتدخل فدا بياكد انه سياسه ماشيين ببها لتوفير الكوست
ندخل للانيميشن تلاقي واحد منهم تفزيبا الشيف بتاعهم بيلغي الشو لمجرد ان فيه خمس اطفال جنبه وفيه حوالي ٥٠٠ جست قاعد مستني الشو الليلي تحس نفسك في سرك ودا بياكد كلامي ان مفيش اداره محدش خايف من مدير ولا غيره كله بيتصرف بدماغه
الفندق انشائيا رائع بس الأشخاص
البارات شغاله نسكافيه علي انه اسبرسو وعصير تانج ومياه الشرب في مكن العصير وحاجه كدا اكنك بتحلم

استقبال الفندق سىءجدا تسكين الغرف اخذ وقت طويل،المكان بيستقبل شباب بدون عاءلة،الزحام شديد في بوفية الطعام،وبدون رقابة،بعض الأفراد يذوقون الطعام ويضعونه في الحلة مرة اخرى،لابد من أخذ دواء انتينال مطهر معوي،الزحام شديد داخل الفندق لرخصة سعره،والعمالة الموجودة غير مناسبة لحجم النزلاء،الأطباق غير متوفرة أثناء الطعام،حجم المطعم غير مناسب للعدد

الفندق ممتاز والعاملين فيه محترمين جدا و خدومين لاقصا درجه مع الاجانب والمصريين والاطفال ليهم عنايه خاصه وبرامج ترفيه ده غير ان الاكل طول الوقت تقريبا متاح و حمام السباحه جميل جدا والاكوا بارك انا استمتعت باجازتى وبشكر كل العاملين وخصوصا شيفات المطعم الى بيقدمو الاكل في البوفيه اي طلب زياده من عميل ما بيتاخروش