الفندق جيد قيمة مقابل سعر.. عيبه الزحمه ، الاكوا بارك بتخدم فندقين لوجاردن والريفيرا فطبعا زحمه جداااا ومبتعرفش تستمتع بيها.. الطعام غير جيد والاختيارات قليله جداا .
الاستاف والاداره متعاون الي حد جيد

فندق قذر
للاسف انا وعيلتي النهارده عملنا check out من أقذر فندق قعدت فيه في حياتي انا هتكلم بس عن تجربتي الشخصية أي حد ليه رأي تاني يخليه لنفسه عشان انا واثقة جدا من كلامي

أولًا الغرفة كان في سرير واحد كبير وسرير صغير رغم اننا اخ واخت فاضطرينا ننام واحد على السرير الكبير وواحد على الصغير السرير الصغير مرتبته كانت بايظة ووجعت عضمي جدا وسماعة الدش كانت مكسورة وباظت تاني يوم حبيت مظلمهمش وطلبت من ال housekeeper يكلملي ال service اللي كلمهم فعلا وسبت الاوضه على امل اني لما ارجع اخر النهار الاقيها بقت تمام معرفش بقى ال housekeeper كان بيضحك عليا ولا التطنيش كان من ال service بس كل حاجة فضلت زي ما هي

ثانيًا المطعم كان تاني اقذر حاجة في التجربة كلها وزحمه جدا كل حاجة عليها طابور والguests في قمة الهمجية واللي ساعدهم على ده التنظيم اللي زي الزفت بيكسروا الطوابير دي وزق وقلة ادب وكان في طفلة تقريبا عنده سنتين من غير هدوم خالص في المطعم ومامتها بتلبسها واعتقد ان ده مش مكانه لان الحمام قريب جدا *اللي مكانش نضيف بالمناسبة وكنت بغسل ايدي في اوضتي* طبعا الكلام ده نفسه بيحصل مع ال snacks

ثالثًا والأهم البسينات والملاهي المائية البسينات كانت اقرب للترعة كان في بعض الرجال بينزلوا بال tank top الابيض اللي بيتلبس تحت هدوم خروجهم *الفلنات الحمالات* ومفيش dress code ولو في فمحدش ملتزم بيه والبسين المكتوب عليه no children بوضوح كان مليان اطفال ومكانوش نضاف ابدا ولما نزلت كنت هرجع من القرف بس طلعت وقلت اروح المكان اللي افتكرته ملجأ وهو الملاهي المائية اللي اكتشفت فيها اني لو عايزه استمتع باقامتي محتاجة ارمي تربيتي ورا ضهري وابقى همجيه زي الناس اللي هناك اولا العوامات لو كان في ١٠٠ guest في الملاهي فهما مثلا ٢٠ وكل واحد من الناس الهمجية اللي بتكلم عنهم دول ماسك في واحده مبيسيبهاش الا لما حد بيجبره على ده وطبعا ده بالزعيق وقلة الادب بنفس طريقتهم وده الجزء الأقل سوءًا الطوابير بقى دي بالنسبالهم للعيال التوتو هما يروحوا يجروا على اللعبه ينطوا على طول لدرجة اني كنت واقفه في طابور طويل للعبه جم ٨ شباب او وصف افضل ٨ همج نطوا على اللعبه على طول طبعا اتضايقت جدا بس سكت بعد ٥ دقايق من الوقفه في الطابور كان فاضل ٢ وانزل لاقيت نفس ال ٨ شباب جم تاني وبنفس الطريقة عايزين ينزلوا تاني قمت زعقت فيهم من خنقتي بجحوا فيا وفي الاخر قرروا يحترموا نفسهم ويقفوا زي الناس نزلت وفجأه سرعتي بقت بطيئة ولأن مفيش تنظيم اصلا نزل ورايا طفل وزنه على الاقل ٦٠ كيلو خبطني في ضهري خبطه لسه ضهري بيوجعني لحد دلوقتي والاغرب ان اللي كان ورايا في الصف اخويا بس الطفل الجميل ده جه من اللا مكان وزقه ونزل مكانه وحسبي الله ونعم الوكيل ♥️