ريفيو عن فندق

#Albatros_Citadel_Resort
(٠/١٠)
الفندق ممتاز بالنسبه لموقعه من البحر كل حته ف الفندق حرفيا شايفه البحر
بس هى ديه الميزه حرفياً الوحيده الموجوده ف الفندق
من ساعت ما دخلنا محدش ابتسم في وشنا.. ٤ ساعات علشان نتسكن في اوض upgraded حجزينها من booking و رفضوا انهم يدوهالنا الا تاني يوم.. قالوا مفيش اوض double ومفيش سراير اطفال حاجة تقرف
معاملة المصريين سيئه جدا جدا انا كل سنه بروح فندق مختلف اول مره اشوف المعامله ديه من كل الناس الا من رحم ربى حرفيا ٢ او ٣ الى بيعاملونا كويس هما معتمدين على الاجانب
الحمامات اللي جمب البسين الكبير مقرفة جدا ومحدش بينظفها
اول مره ف حياتى اروح فندق الفطار والغداء والعشاء والحلويات كل يوم نفس الحاجه
وياريت فى حاجه عدله
يعنى انتوا متخيلين ان الغداء عباره عن شاورما و برجر ومكرونه وفراخ مشويه يوميا بدون اى تجديد او تنويع ومستوى الاكل سئ جدا بجد
النضافه جيده وليست ممتازه
٤-الفندق متباعد جدا عن بعضه كان معايا عربية ابنى كانت كتافى بتخدل من المشى .. عاملين نظام الكار الى بتلف لكبار السن بس بتطلبيها تيجى بعد ساعتين وللكبار بس
مواقف من الى حصلت معايا ( ١-دخلت للراجل اطلب ايس كريم ميكس قالنا انتوا المصريين هتخربوا بيتنا الاجانب مبتطلبش ميكس اطلبى صنف واحد ... ٢-جايين نقعد على تربيزه عشان نحضر الحفله الى بيبقوا عاملينها بليل الويتر حاجز التربيزه بأزازه مايه وكوبايه عصير وقالنا ان صاحبها ف الحمام واكتشفنا انه حاجزها لاى حد اجنبى عشان يديه تبس .. ومفيش حد ف الحمام ..٣- عاوزين نبدل الفوط المبلوله زعق فينا على البيسين وقالنا متتعودوش على كده هى مره واحده بس
بطلب من بتاع الشاورما ينزلى من على السيخ زعق فيا وقالى مستواش الى تحت هو الى مستوى
وغيره وغيره كتير جدا جدا مش عارفه ده طبيعى ولا انا عشان بنزل ف فنادق كتير جدا حسيت بالمعامله الوحشه اوى برغم انى نزلت ف فنادق ٤ نجوم مشوفتش المعامله ديه
انا لسه راجعه يوم الاتنين بجد اسوء اجازه قضيتها ف حياتى كل يوم كنت بتخانق مع حد بسبب المعامله

للاسف حصل كذا مشكلة مش عارفة اكتب اية فيهم من الاول قبل ما اجى بيوم اختى كانت جاية معنا وtested postive covid و احنا مخلطين انا و جوزى و اخويا طلبت اجل ميعاد الاقامة لانى عارفة انهم مش هيرجعو حاجة رفضو عشان حاجزة مع شركة go bus holidays اسوء شركة بردو عشان كدة رشحولنا الفندق دة الفندق يقول لو كنتو حاجزين معايا كونت رجعت الفلوس و الشركة بتقول الفندق فحسبى الله و نعمة الوكيل فيهم اطرينا نسافر بعد مطمنا عسان منقذيش حد الفتدق zero infection control stuff and guest no one wears his mask no sanstizer المطعم زحمه جدا جدا واحنا الى بنحط الاكل يعنى كلو ببمسك المعالق مكان بعض !! انا روحت اكتر من ١٠ فنادق فى فترة الكورنا الناس كلها ملتزم ماعدا دة مش عارفة ارجع ازاى فلوس الفرد الرابع !! الموظفين بيتعملو بطريقة واحشة جدا بسال موظف ازاى انزل السلالم دية كلها بعربية الطفلة يقولى دة فندق للكبار بسازاى بس دة مكتوب فتدق عائلى على booking يضحك قلت احترام و موظف تانى بيزعق عشان يقنعنى بالغرفة البعيدة جدا عن مل حاجة و مش دية الانا حجزها انا حجزه قريب من حمام السباحة عشان الطفلة !! حسبى الله و نعمه الوكيل و قاعدة فيها عشاتن مفيش امكانية جيت ابدلها النهاردة جايبن غرفتات بعيد عن بعض طبعا رفضت وفضلت قاعدة فى الغرفة الى على الصور !!
كل دة على جامب وانى اطلع بالصدفة الاقى العربية المرسيدس E200 بالمنظر دة حسبى الله و نعمه الوكيل انا عايزة حقى و مش عارفة اخدو ازاى بس قولت انبه ابناي عشان محدش يتخدع زى فى الريت الى واخدو تبررهم ان فى اصلاحات جامب العربية اقلو طب حد يكلمنامفيش !! ناس بردة و فلوسى المفروض ترجع احنا فى ازمة عالمية يعنى وارد ان حاجة زى كدة تحصل مش ظروف طبعية انهم يرفضو يرجعو فلوسنا

فندق رائع من كل النواحي والخدمه ممتازه
تصمميم رائع للمباني ومعامله ممتازه من جميع العاملين
بصراحه لو وصفت كل حاجه لوحدها يبقي هكتب كلام كتير
لكن يكفي اني اقول ان من بين خبره اكتر من ١٠ سنين سفر في فنادق ٥ نجوم يبقي سيتاديل هو الفندق الوحيد اللي قلت مينفعش اروح مكان غيره في اول اجازه جايه
كل حاجه فيه ليها طابع خاص ومميز
رحلاتي القادمه في فندق الباتروس سيتادل
اشكركم ومن تقدم الي تقدم اكتر